تاليباننىڭ ۇرەيلەندىرۋىنە قاراماستان ميلليونداعان اۋعانستاندىق پارلامەنت سايلاۋىنا داۋىس بەردى

سەنبى كۇنى باستالعان اۋعانستان پارلامەنت سايلاۋىنا داۋىس بەرۋ، كەشە دە، ياعني، 21 قازان كۇنى دە جالعاستى. سەنبى كۇنى داۋىس بەرمەگەن اۋعانستاندىقتار سايلاۋ ۋچاسكەلەرىندە داۋىس بەردى.

سايلاۋ كوميسسياسى وكىلدەرىنىڭ ايتۋىنشا، سەنبى كۇنى 3 ميلليننان اسا ادام داۋىس بەرگەن، الايدا، داۋىس بەرۋدە كوپتەگەن ماسەلەلەر بولعان. ايتالىق، كەيبىر سايلاۋ ۋچاسكەلەرى اشىق بولمادى جانە داۋىس ساناۋ قۇرىلعىلارىندا تەحنيكالىق اقاۋلار بولعان. داۋىس بەرۋشىلەر مەن سايلاۋ ۋچاسكەلەرگە جاسالعان تەررورلىق شابۋىلداردان 15 ادام قازا بولعان.

تاويبان تارابى سايلاۋعا بارلىق كەدەرگىلەردى جاساۋعا تىرىساتىنىن، سايلاۋ ۋچاسكەلەرىنە تەررورلىق شابۋىلدار ۇيىمداستىراتىنىن بىرنەشە رەت حابارلاعان بولاتىن. بىراق، تاليباننىڭ ۇركىتىپ-قورقىتۋىنا قاراماستان، ميلليونداعان اۋعانستاندىق پارلامەنت سايلاۋىنا داۋىس بەردى.

سايلاۋ ناتيجەسى بىرنەشە اپتادان كەيىن انىقتالۋى مۇمكىن. ال كانداگاردا سايلاۋدىڭ ءالى وتپەگەنى تۋرالى مالىمەتتەر بار. وعان وتكەن اپتاداعى تەررورلىق شابۋىلدا ىقپالدى پوليتسيا باسشىسى ابدۋللا رازيحتىڭ ءولىمى سەبەپ بولىپ وتىر.

 “The Qazaq Times”