Ауғанстандық дауыс беруші. Фото: VOA.

Сенбі күні басталған Ауғанстан Парламент сайлауына дауыс беру, кеше де, яғни, 21 қазан күні де жалғасты. Сенбі күні дауыс бермеген ауғанстандықтар сайлау учаскелерінде дауыс берді.

Сайлау комиссиясы өкілдерінің айтуынша, сенбі күні 3 миллиннан аса адам дауыс берген, алайда, дауыс беруде көптеген мәселелер болған. Айталық, кейбір сайлау учаскелері ашық болмады және дауыс санау құрылғыларында техникалық ақаулар болған. Дауыс берушілер мен сайлау учаскелерге жасалған террорлық шабуылдардан 15 адам қаза болған.

Таоибан тарабы сайлауға барлық кедергілерді жасауға тырысатынын, сайлау учаскелеріне террорлық шабуылдар ұйымдастыратынын бірнеше рет хабарлаған болатын. Бірақ, Талибанның үркітіп-қорқытуына қарамастан, миллиондаған ауғанстандық парламент сайлауына дауыс берді.

Сайлау нәтижесі бірнеше аптадан кейін анықталуы мүмкін. Ал Кандагарда сайлаудың әлі өтпегені туралы мәліметтер бар. Оған өткен аптадағы террорлық шабуылда ықпалды полиция басшысы Абдулла Разихтың өлімі себеп болып отыр.

 “The Qazaq Times”