اقش قورعانىس سالاسىن قىتايلىق ونىمدەردەن تازارتۋعا كىرىستى

بىلتىر اقش قىتايدان قۇنى 500 ملرد دوللارلىق كولەمىندەگى تاۋاردى يمپورت ەتكەن. بۇل قىتايلىق ونىمدەر اقش بازارلارى مەن قاتار اسكەري قارۋ-جاراق، قورعانىس سالالارىنا دا ەنگەن.

Reuters اگەنتتىگىنىڭ حابارلاۋىنا قاراعاندا، پەنتاگون اق ءۇيدىڭ تاپسىرۋىمەن، اقش قورعانىس سالاسىنىڭ شەتەلدىك ونىمدەرگە، سونىڭ ىشىندە قىتايدا وندىرىلگەن اسەري ونىمدەرگە دەگەن  تاۋەلدىلىك دەڭگەيىن انىقتاۋعا كىرىسكەن.

ءوزىنىڭ اتى-ءجونى مەن لاۋازىمىن بىلدىرگىسى كەلمەگەن اقش-تىڭ  رەسمي تۇلعالارىنىڭ ءبىر بەرگەن مالىمەتكە قاراعاندا،  اقش قورعانىس سالاسىندا شەتەلدىك ميكرو-ەلەكتروندىق بولشەكتەردى جاساندى جەر سەرىكتەرى مەن بالليستيكالىق زىمىراندارعا، سونداي-اق ۇشقىشسىز ۇشۋ قۇرىلعىلارىنا پايدالانىپ كەلگەن.

پەنتاگون بۇنى قورعانىس سالاسىنىڭ تاۋەلسىزدىگىنە قاۋىپ توندىرەدى دەپ باعالاعان. سونداي-اق، اقش قورعانىس مينيسترلىگى قىتايلىق قورعانىس قۇرىلعىلارىنىڭ سەنىمدىلىگىنە كۇمان ارتادى. اسىرەسە، اقش-قىتاي قاتىناسى بارعان سايىن شيەلەنىسە تۇسكەن كەزدە، قىتايلىق قورعانىس قۇرىلعىلارىنا دەگەن سەنىمى تومەندەي ءتۇستى.

اقش كونگرەسىنىڭ بىلتىر جەلتوقساندا جاريالاعان قۇجاتىندا ايتىلۋىنشا، اقش-تىڭ قورعانىس سالاسىنا پايدالاناتىن 23 ءتۇرلى سيرەك كەزدەسەتىن مەتاللدىڭ 20-سى قىتاي جانە وزگە دە بىرنەشە ەلدەن يمپورت ەتىلەدى. بۇل دا كونگرەستىڭ كۇشتى الاڭداۋشىلىعىن تۋعىزعان بولاتىن.

ۋاشينگتون مەن بەيجىڭ ەكى ەل اراسىنداعى ساۋدا قاقتىعىسى ءورشىپ تۇرعان تۇستا، ءبىر-بىرىنە دەگەن تاۋەلدىلىكتەن بارىنشا ارىلۋعا تىرىسۋدا. وڭتۇستىك قىتاي تەڭىزى جانە تىنىق مۇحيتتاعى اسكەري ىقپالعا دەگەن باقتالاستىق ەكى ەلدى قارۋ-جاراق باسەكەسىنە دە باستاپ كەتۋى ىقتيمال. بۇل تۇستا قۇراما شتات قورعانىس قۇرالدارى، اسكەري تەحنيكالاردا قىتايعا بولعان قانداي دا ءبىر تاۋەلدىلىككە بەي-جاي قاراي المايتىنى انىق.

“The Qazaq Times”