يراكتا جاڭا پرەزيدەنت سايلاندى

يراك پارلامەنتى كۇردىستان پاتريوتتار وداعى پارتياسىنىڭ باسشىسى بارحام ساليحتى پرەزيدەنت رەتىندە سايلاۋعا داۋىس بەردى،  - دەپ حابارلايدى Al Jazeera.

بۇدان بۇرىن ول كۇرد اۆتونوميالىق ۇكىمەتىن باسقارعان جانە يراك پرەمەر-ءمينيسترىنىڭ ورىنباسارى بولعان. پارلامەنت وتىرىسى كۇردىستان پاتريوتتار وداعى مەن كۇردىستان دەموكراتيالىق پارتياسىنىڭ اراسىنداعى داۋدىڭ كەسىرىنەن ۇزاققا سوزىلعان. ەندى، پرەزيدەنت تاعىنا كەلگەن بارحام ساليح شيتتىك ساياساتكەر اديل ءابۋل-ءماحديدى بىردەن جاڭا پرەمەر-مينيستر ەتىپ تاعايىندادى.  سونىمەن قاتار، پرەزيدەنتتىك انتىن قابىلداعان سالەح، ءوزىنىڭ «تەك بەلگىلى ءبىر توپتاردىڭ عانا ەمەس، بۇكىل يراكتىقتاردىڭ» پرەزيدەنتى بولعىسى كەلەتىنىن مالىمدەدى.

ەسكە سالايىق، ۇستىمىزدەگى جىلدىڭ مامىر ايىندا يراكتا پارلامەنتتىك سايلاۋ وتكەن ەدى. يراك كونستيتۋتسياسىنا سايكەس، پارلامەنت سپيكەرى سۇننيتتەردىڭ وكىلى، پرەمەر-مينيستر —شيتتەر وكىلى، ال پرەزيدەنت — كۇرد ۇلتىنان بولۋى ءتيىس.

“The Qazaq Times”