تۇركيا يدليبتەگى باقىلاۋ نىساندارىن كۇشەيتۋدە

تۇركيا ءسۇريانىڭ سولتۇستىك-باتىسىنداعى باقىلاۋ نىساندارىن كۇشەيتەدى. سونىمەن قاتار، رەسەيمەن ىنتىماقتاسا وتىرىپ، راديكالدى توپتارمەن كۇرەسەتىن بولادى. بۇل تۋرالى پرەزيدەنت رەجەپ تايىپ ەردوعان «دامۋ جانە ادىلەت» پارتياسىنىڭ مۇشەلەرىمەن بولعان پارلامەنت وتىرىسىندا مالىمدەدى، - دەپ حابارلايدى haberturk.com.

تۇرىك باسشىسى قازان نەمەسە قاراشا ايىندا سۇرياداعى جاعدايدى تالقىلاۋ ءۇشىن رەسەي، فرانتسيا جانە گەرمانيا ەلدەرىمەن بىرىككەن سامميت وتەتىنىن دە اتاپ وتكەن. بۇدان بۇرىن انكارا تاراپىنان قولداۋ كورۋشى سۇريالىق كوتەرىلىسشىلەر توبى رەسەي مەن تۇركيا اراسىنداعى كەلىسىمشارتتا قاراستىرىلعان بۋفەرلى ايماققا رەسەي اسكەرىنىڭ كىرگىزىلۋىنە كەلىسپەيتىنىن مالىمدەگەن ەدى. «ءبىزدىڭ ءوزىمىزدىڭ اسكەري پوزيتسيامىزدى (يدليبتەگى) كۇشەيتىپ جاتقانىمىز راس. ءبىز ول جاقتاعى باقىلاۋ نىساندارىمىزدى كۇشەيتە الماساق، وزگە بىرەۋ باستامانى ءوز قولىنا الۋى مۇمكىن. ارينە، بۇدان بەيبىت تۇرعىندار زارداپ شەگەتىن بولادى»، - دەپ جازادى Haber Turk باسىلىمى تۇركيا پرەزيدەنتىنىڭ سوزىنە سىلتەمە جاساپ.

“The Qazaq Times”