جاپونيا ۇكىمەتى تولىعىمەن وتستاۆكاعا كەتتى

جاپونيا ۇكىمەتى وتستاۆكاعا كەتتى. Kyodo اگەنتتىگىنىڭ حابارلاۋىنشا، ۇكىمەت قۇرامىنىڭ تولىعىمەن وتستاۆكاعا كەتۋىنە پرەمەر-مينيستر شيندزو ابەنىڭ (سيندزر ابە/ Shinzo ابە) بيلىكتىڭ قولىنداعى ليبەرالدى-دەموكراتيالىق پارتيانىڭ (لدپ) جاڭا توراعاسى بولىپ سايلانۋى سەبەپ بولعان.

اقپارات قۇرالدارىنىڭ مالىمەتىنشە، ابە راديكالدى وزگەرىستەن باس تارتىپ،  نەگىزگى مينيسترلەرىن ساقتاپ قالۋدى كوزدەيدى. بىراق، 18 ءمينيستردىڭ تەك ۇشتەن ءبىرى عانا ءوز ورىندارىندا قالعان. وسىلايشا، ۆيتسە-پرەمەر جانە قارجى ءمينيسترى تارو اسو، جاپونيا ۇكىمەتىنىڭ باس حاتشىسى ەسيحيدە سۋگۋ جانە سىرتقى ىستەر ءمينيسترى تارو كونو عانا ءوز ورىندارىن ساقتاپ قالعان.

ەندى، ابە جاپونيا ۇكىمەتىن ءۇشىنشى رەت باسقارماق. جوعارىدا دا ايتىپ وتكەنىمىزدەي، جاپونيا ۇكىمەتى شيندزو ابە سايلاۋداعى جەڭىسىنەن كەيىن جاڭا مينيسترلەر كابينەتىن قۇرۋى ءۇشىن تولىق قۇراممەن وتستاۆكاعا كەتۋدە. باق قۇرالدارى ابە وسى ارقىلى ءوزىنىڭ ۇكىمەت باسشىسى لاۋازىمىن بەكىتىپ الدى دەپ جازادى. ءارى، حالىقارالىق ساياسي ساراپشىلار دا وسى ساياسي وقيعا ليبەرالدى-دەموكراتيالىق پارتيا مەن ونىڭ ليدەرى شيندزو ابەنىڭ حالىق الدىنداعى بەدەلىن ءتۇسىردى دەپ سانايدى.

“The Qazaq Times”