كحدر مەن وڭتۇستىك كورەيا ميناسىزداندىرۋ جۇمىستارىن باستادى

كحدر مەن وڭتۇستىك كورەيانىڭ اسكەريلەرى بۇگىن، 1 قازاننان باستاپ باتىستان شىعىسقا دەيىنگى ءتورت شاقىرىم ۇزىندىققا سوزىلعان قارۋسىزداندىرىلعان ايماقتى ميناسىزداندىرۋعا كىرىستى، - دەپ حابارلايدى 20minutes.fr سەۋلدەگى وڭتۇستىككورەيالىق قورعانىس مينيسترلىگىنەن تاراتىلعان مالىمەتكە سىلتەمە جاساپ. 

اتۋ جاراقتارى مەن مينالاردى جويۋ، قوس كورەي ەلدەرى اراسىنداعى 1950-1953 جىلدارداعى كورەي سوعىسى كەزىندە قازا تاپقان اسكەري قىزمەتكەرلەردى بىرگە ىزدەۋ تۋرالى كەلىسىمشارتتى جۇزەگە اسىرۋ ءۇشىن قاجەت. كورەيا رەسپۋبليكاسىنىڭ قورعانىس مينيسترلىگىنىڭ بولجامىنشا، اتالعان ايماقتا بىرنەشە ونداعان مىڭ مينا بولۋى مۇمكىن. ميناسىزداندىرۋدىڭ العاشقى كەزەڭى وڭتۇستىك كورەيا پرەزيدەنتى مۋن جا ين مەن كحدر مەملەكەتتىك كەڭەسىنىڭ باسشىسى، سولتۇستىككورەيالىق ليدەر كيم جوڭ ىننىڭ ەكى بىردەي كەلىسسوزدەرى وتكەن شەكارالىق نىسانداعى «ورتاق كۇزەت ايماعىن» 20 كۇن ىشىندە اياقتاۋ قاراستىرىلعان. 20minutes.fr اگەنتتىگىنىڭ مالىمەتىنشە، چحورۆوندا (وڭتۇستىك كورەيا) شامامەن 500 اسكەري قىزمەتكەردىڭ،  سونىمەن قاتار، بۇۇ تۋىمەن كۇرەسۋشى 300 اسكەريدىڭ سۇيەگى بولۋى مۇمكىن. قازا تاپقانداردىڭ سۇيەگىن ىزدەۋ جۇمىستارىن 2019 جىلدىڭ 1 ءساۋىرى مەن 31 قازان ارالىعىندا جۇرگىزۋ جوسپارلانۋدا.

1950-1953 جىلدارداعى كورەي سوعىسى بۇۇ تۋىمەن سوعىسۋشى اقش اسكەرلەرى مەن سولتۇستىككورەيالىق ارمياسىنىڭ قىتاي حالىقتىق ەرىكتىلەرىمەن اراسىنداعى ءبىتىم تۋرالى كەلىسىمشارتقا قول قويىلۋمەن اياقتالعان ەدى. سول ۋاقىتتان بەرى ۋاشينگتون كحدر-نىڭ بەيبىتشىلىك تۋرالى كەلىسىمشارت جاساۋ تالپىنىسىن ۇستىمىزدەگى جىلدىڭ 12 ساۋىرىندە سينگاپۋردە سولتۇستىككورەيالىق ليدەر كيم جوڭ ىنمەن كەزدەسۋدە كەلىسىم بەرگەنشە كەرى قايتارىپ كەلگەن.

“The Qazaq Times”