ەردوعان: تەرروريستەر يدليبتەگى قارۋسىزداندىرىلعان ايماقتان كەتىپ جاتىر

رەسەي، تۇركيا جانە يران ەلدەرىنىڭ ءسۇريانىڭ يدليب قالاسىنداعى قارۋسىزداندىرىلعان ايماقتاعى ورتاق قيمىلدارى ناتيجە بەرە باستادى. يدليبتەگى تەرروريستەر جەدەل تۇردە ايماقتى تاستاپ كەتىپ، شامامەن 50-60 مىڭ سۇريالىق ۇيلەرىنە ورالۋعا نيەتتى. بۇل تۋرالى yeniakit.com.tr تۇركيا پرەزيدەنتى رەجەپ تايىپ ەردوعاننىڭ سوزىنە سىلتەمە جاساپ حابارلايدى.

رەسەي پرەزيدەنتى ۆلاديمير پۋتين مەن تۇركيا باسشىسى ر.ت.ەردوعاننىڭ سوچيدە وتكەن كەلىسسوزدەرىنەن سوڭ يدليبتەگى تەرروريستەر ايماقتى تۇگەل تاستاپ كەتۋگە ءماجبۇر بولۋدا. «استانا مەن سوچيدە قول قويىلعان كەلىسىمشارتتاردىڭ ارقاسىندا 50-60 مىڭ ادام ءوز وتاندارىنا ء(سۇريا، يدليب) ورالۋعا نيەتتى. ەگەر، وسى سامميتتەر بولماسا، قانتوگىس ءالى جالعاسىپ جاتقان بولار ەدى. بۇل قادامدار بەيبىتشىلىك پەن وركەنيەت كوكجيەگىن كورسەتتى. بۇل ىسپەن ءبىز، يران جانە رف بىرگە اينالىسۋدامىز»  ، - دەگەن ر.ت.ەردوعان. وسىدان ەكى كۇن بۇرىن، اتالعان كەلىسىمشارتقا سايكەس، تۇركيا تاراپى كەدەندىك باقىلاۋ نىسانىنىڭ باقىلاۋىن ارتتىرۋ ءۇشىن يدليبكە ارنايى اسكەر كىرگىزگەن ەدى.

“The Qazaq Times”