فوتو: ەممانۋەل ماكرون

فرانتسيا پرەزيدەنتى ەممانۋەل ماكرون، بۇۇ باس حاتشىسى انتونيو گۋتەرريش، دۇنيەجۇزىلىك بانكتىڭ باسشىسى دجيم ەن كيم جانە بۇۇ-نىڭ كليمات جونىندەگى ارنايى وكىلى مايكل بلۋمبەرگ وسى جىلدىڭ 26 قىركۇيەگىندە نيۋ-يوركتە وتەتىن ەكىنشى «ءبىر پلانەتا» سامميتىنە قاتىسادى، - دەپ حابارلايدى "lanouvellerepublique.fr" فرانتسيانىڭ ءسىم-ءنىڭ ءباسپاسوز قىزمەتىنە سىلتەمە جاساپ.

اتالعان سامميتتە 2017 جىلدىڭ 12 جەلتوقسانىندا وتكەن «ءبىر پلانەتانىڭ» ءبىرىنشى وتىرىسىندا قابىلدانعان مىندەتتەمەلەر قارالادى دەپ كۇتىلۋدە. «كەزدەسۋ كليماتتىق ماسەلەلەردى بىرىگە شەشۋگە ارنالعان جەكە سۋبەكتىلەر مەن مەملەكەتتەردىڭ اراسىنداعى سەنىمدى نىعايتۋعا جول اشادى»، - دەپ حابارلاعان فرانتسۋز ءسىم. سپيكەرلەر تىزىمىندە مەملەكەت جانە ۇكىمەت باسشىلارى، بيزنەس وكىلدەرى مەن ەكونوميستەر دە بار.

«ءبىز قيىن كەزدەردى وتكەرىپ وتىرمىز. ءبىز يننوۆاتسيالاردى قولداپ، جوبالاردى جۇزەگە اسىرىپ، مەملەكەتتىك جانە جەكە ينۆەستيتسيالاردى بىرىكتىرىپ جانە جاڭا ۇرپاقتىڭ الدىندا بەرگەن ۋادەمىزدى ورىنداۋىمىز كەرەك. ۋاقىت جەتتى. بۇل ءبىزدىڭ ءارى ساياسي، ءارى ەكونوميكالىق باسىمدىقتارىمىز»، - دەگەن ەممانۋەل ماكرون.

ەسكە سالايىق، 2017 جىلدىڭ 12 جەلتوقسانىندا وتكەن «ءبىر پلانەتا» سامميتىنە 4000-نان استام ادام قاتىسىپ، 12 حالىقارالىق مىندەتتەمە قابىلدانعان ەدى.

“The Qazaq Times”