رەسەي يل-20 ءۇشىن يزرايلگە سەس كورسەتتى

رەسەي فەدەراتسياسىنىڭ قورعانىس مينيسترلىگى كەشە كەشكە رەسەيلىك يل-20 ۇشاعىنىڭ اتىپ تۇسىرىلۋىنە بايلانىستى يزرايلگە «ءتيىستى جاۋاپ بەرەتىنىن» مالىمدەدى. بۇل تۋرالى رف قورعانىس مينيسترلىگىنىڭ رەسمي وكىلى يگور كوناشەنكوۆ مالىمدەگەن.

ول يزرايلدىك اۆياتسيا باسقارماسى مەن F-16 ۇشقىشتارى رەسەيلىك يل-20 ۇشاعىن كورمەي قالۋى مۇمكىن ەمەس ەكەنىن ايتتى. «يزرايل تاراپى بۇل اپاتتى قاساقانا ىستەدى»، - دەگەن ول. بۇدان بۇرىن، ءسۇريادا بورتىندا 24 اسكەري قىزمەتكەرى بار رەسەيلىك يل-20 ۇشاعىنىڭ اتىپ تۇسىرىلگەنى تۋرالى جازعان ەدىك. رەسەيلىك قورعانىس ۆەدوموستۆاسى ۇشاق فرانتسيالىق كەمەدەن زىمىراندار جىبەرىلىپ جاتقاندا، حمەيميم بازاسىنا قايتاردا راداردان شىعىپ كەتكەنىن ايتقان بولاتىن. رەسەي قورعانىس مينيسترلىگى «رەسەيلىك ۇشاقتىڭ اپاتىنا ءيزرايلدىڭ F-16 جويعىشتارىنىڭ قاتىسى ەكەنىنە سەنىمدى. ال، يزرايلدىك ديپلوماتتار رف-نىڭ تاراپىنان وزدەرىنە تاعىلعان ايىپتاۋدى جوققا شىعارۋدا.

“The Qazaq Times”