فوتو: بي-بي-سي

قىتاي امەريكانىڭ كەزەكتى ساۋدا سالىقتار تۋرالى مالىمدەمەسى اياسىندا ءوتۋى جوسپارلانعان ساۋدا كەلىسسوزدەرىنەن باس تارتۋى مۇمكىن. بۇل تۋرالى بي-بي-سي اگەنتتىگىنىڭ تۇرىك قىزمەتى حابارلايدى.

بۇدان بۇرىن اقپارات كوزدەرى اقش-تىڭ قارجى ءمينيسترى ستيۆەن منۋچەننىڭ قحر-نىڭ مەملەكەتتىك كەڭەسىنىڭ ۆيتسە-پرەمەرى ليۋ حەنى قىركۇيەك ايىنىڭ 20-دا ساۋدا-ساتتىق ىستەرىندەگى قاراما-قايشىلىق بويىنشا جاڭا كەلىسسوزدەر جاساۋعا شاقىرعان ەدى. الايدا، قىتاي تاراپى: «ەگەر اقش قوسىمدا سالىقتار ەنگىزەتىن بولسا، قىتاي تاراپى مۇلدە بارماۋى مۇمكىن... باسىنا قارۋ كەزەلىپ تۇرعاندا قىتاي ەشقانداي كەلىسسوزدەرگە قاتىسپايدى»، - دەپ جاۋاپ بەردى. سونىمەن قاتار، «The Wall Street Journal» جۋرنالى دا قىتايدىڭ ۋاشينگتونداعى دەلەگاتسياسىمەن اراداعى ساۋدا كەلىسسوزدەرى 27-28 قىركۇيەكتە ءوتۋى كەرەكتىگىن، ال 17-18 قىركۇيەكتە اقش-تىڭ قىتايدىڭ 200 ميلليارد دوللارلىق تاۋارلارىنا قوسىمشا 10-پايىزدىق سالىق ەنگىزۋ تۋرالى حابارلايتىنىن جازعان ەدى.

بارىمىزگە بەلگىلى، قىتاي مەن اقش اراسىنداعى ساۋدا سوعىسى ۇستىمىزدەگى جىلدىڭ 6 شىلدەسىندە وسى مەملەكەتتەر اراسىندا ەكىجاقتى كەدەندىك سالىقتار كۇشىنە ەنگەننەن كەيىن باستالعان ەدى. ال، تامىز ايىندا ۋاشينگتون تاعى دا سالىق ەنگىزىپ، قىتاي دا ءوز كەزەگىندە قارسى سالىق سالعان بولاتىن.

“The Qazaq Times”