اۋعانستانداعى كەشەگى جارىلىستا تاعى 32 ادام قازا تاپتى

سەيسەنبى، 11 قىركۇيەكتە اۋعانستاننىڭ شىعىسىنداعى جارىلىس سالدارىنان كەم دەگەندە 32 ادام قازا تاۋىپ، تاعى 128 ادام جاراقاتتانعان.

AFP حابارلاۋىنشا، جارىلىس نانگارحار قالاسىنداعى قارسىلىق ناۋقانى كەزىندە ورىن العان. قارسىلىق ناۋقانىنا جەرگىلىكتى پوليتسيا باسشىسىنىڭ تاعايىندالۋى سەبەپ بولعان. قارسىلىق شاراسىنا شىعۋشىلار دجەلالاباد قالاسىنىڭ اكىمشىلىك ورتالىعى مەن پاكىستانمەن شەكاراداعى ءىرى شەكارالىق وتكەل اراسىنداعى جولدى جاۋىپ تاستاعان.

الدىن الا مالىمەتتەر بويىنشا، جانكەشتى-تەرروريست قارسىلىق اكتسياسىنا شىعۋشىلار توبىندا جارىلاتىن قۇرىلعىسىن ىسكە قوسقان. 32 ادامنىڭ ءومىرىن جالماعان بۇل تەررورلىق ءىستى ازىرگە ەشقانداي ۇيىم موينىنا الماي وتىر. دەگەنمەن، تاليبان قوزعالىسى مەن يسلام مەملەكەتىنىڭ ءالى كۇنگە دەيىن نانگارحاردا قارۋلى قاقتىعىس جۇرگىزىپ جاتقانىن ەسەپكە العان ۇكىمەت، اتالعان جارىلىستى ەكى توپتىڭ ءبىرى موينىنا الۋى مۇمكىن دەپ كۇتەدى.

 “The Qazaq Times”