فوتو: ۆيكتور وربان

ۆەنگريانىڭ پرەمەر-ءمينيسترى ۆيكتور وربان ەۋروپارلامەنتتىڭ بۋداپەشتكە قاتىستى "ۆەنگريا ەو-نىڭ ەرەجەلەرى مەن قۇندىلىقتارىن بۇزدى" دەگەن ەسەبىن ۆەنگەر ۇلتىن كەمسىتۋ دەپ اتادى. بۇل تۋرالى liberation.fr حابارلايدى.

«ۆەنگەر حالقى ءۇشىن ەركىندىك، دەموكراتيا جانە تاۋەلسىزدىك — ۇلكەن ابىروي. ال، ەۋروپارلامەنت كوميسسياسىنىڭ ەسەبى ۆەنگريانى قورلاۋ ءارى ۆەنگەر ۇلتىن كەمسىتۋ بولىپ تابىلادى»، - دەگەن وربان. ونىڭ ايتۋىنشا، ەو-عا مۇشە باسقا ەلدەرگە قاراعاندا، ۆەنگريا دىنگە نەمەسە مەملەكەتتى باسقارۋعا باسقا كوزقاراستا قارايدى. الايدا، ءدال وسى نارسە «ەۋروپانىڭ ارتۇرلىلىگىن» بىلدىرەدى. ول ەو-نىڭ اتالعان ەسەبىندە 37 ۇلكەن قاتە بار ەكەنىن ايتتى. «ءسىز مىڭداعان جىل قاتارىنان حريستيان ۇلتىنىڭ مۇشەسى بولعان ۆەنگرياعا كىنا ارتۋعا تىرىساسىزدار. ءسىز ۇلكەن قانتوگىس پەن ەڭبەگى ارقىلى ەۋروپا تاريحىنا وراسان ۇلەس قوسقان ۆەنگريانى كىنالاعىلارىڭىز كەلەدى. سىزدەر الەمدەگى ەڭ ءىرى ارميا — كەڭەس اسكەرىنە قارسى ازاتتىق پەن دەماكراتيا ءۇشىن قارسى تۇرا بىلگەن، ال ۋاقىتى كەلگەندە شىعىس گەرمانيالىق شەكاراسىن دوستارىنا اشقان ۆەنگريانى ايىپتاعىلارىڭىز كەلەدى»، - دەگەن ول.

11 قىركۇيەكتە ەۋروپارلامەنت دەپۋتاتتارى ۆەنگريانىڭ ەو ەرەجەلەرى مەن قاعيدالارىن بۇزىپ وتىرعاندىعى تۋرالى ماسەلەنى تالقىلادى. ال، بۇگىن، 12 قىركۇيەكتە بۋداپەشتتى ەو كەڭەسىندەگى داۋىس بەرۋ قۇقىعىنان ايىرۋعا قاتىستى شەشىم شىعارىلۋى مۇمكىن.

ەسكە سالايىق، ۇستىمىزدەگى جىلدىڭ 19 شىلدەسىندە ەۋروكوميسسيا ۆەنگريانى ەو سوتىنا بەرۋگە شەشىم شىعارعان بولاتىن. وعان سەبەپ رەتىندە ەو ۆەنگريا بوسقىندار تۋرالى زاڭدى ساقتاماي، ولارعا قاتىستى تالاستى زاڭ قابىلداعانىن العا تارتقان. ەۋروكوميسسيانىڭ پىكىرىنشە، ۆەنگەرلىك زاڭ ەو-نىڭ بوسقىندارعا قاتىستى ولارعا باسساۋعا بەرۋ، ولاردى ءوز شەكاراسىنا قابىلداپ ءارى كەرى قايتارۋ ىستەرىندە زاڭىنا قايشى ارەكەت ەتكەن.

“The Qazaq Times”