امەريكالىقتار دۋبايدان جۇمباق اۋرۋ جۇقتىرىپ قايتتى

اقش دۋبايدان نيۋ-يورككە "Emirates Airlines" اۋەكومپانياسىنىڭ ۇشاعىمەن قايتقان جولاۋشىلاردىڭ جاپپاي اۋىرىپ قالۋ سەبەبىن انىقتاۋعا تىرىسۋدا. بۇل تۋرالى liberation.fr حابارلايدى.

سارسەنبى، 5-قىركۇيەك كۇنى امەريكانىڭ دجون كەننەدي اتىنداعى اۋەجايىنا قونعان ۇشاق بورتىنداعى جولاۋشىلارىمەن قوسا بىردەن كارانتينگە الىنعان. ۇشۋ كەزىندە ءبىر مەزەتتە جۇزدەن اسا ادام وزدەرىن قولايسىز سەزىنىپ، كوبىسىنىڭ دەنە قىزۋى كوتەرىلىپ، باسىم كوپشىلىگىندە قاتتى جوتەل باستالعان. ۇشاق ەكيپاجى توتەنشە جاعداي تۋرالى اقش-تىڭ ءتيىستى ورگاندارىنا حابارلاعان. دجون كەننەدي اتىنداعى اۋەجايدىڭ جولاۋشىلاردى تەكسەرۋگە ارنالعان ايماعىندا اۋە لاينەرىن پوليتسيا مەن دەنساۋلىق ساقتاۋ قىزمەتكەرلەرى كۇتىپ العان. دارىگەرلەردىڭ ايتۋىنشا، جولاۋشىلار اراسىندا جوتەل، باس اۋرۋى، تاماق اۋرۋى جانە دەنە قىزۋى سىندى اۋرۋلار تىركەلگەن. «ءبىز سوندا دا تەست قورىتىندىلارى قولىمىزعا تيمەي تۇرىپ، بۇل اۋرۋدىڭ ناقتى سەبەبىن ايتا المايمىز»، - دەگەن نيۋ-يوركتەگى دەنساۋلىق ساقتاۋ باسقارماسى باسشىسىنىڭ ورىنباسارى وكسيريس باربوت. قازىرگى تاڭدا جۇمباق اۋرۋدىڭ سەبەبى جان-جاقتى تەكسەرىلۋدە.

“The Qazaq Times”