فوتو: armenpress.am

كورەي رەسپۋبليكاسىنىڭ اق وكىلى قارۋسىزداندىرىلعان ايماقتاعى وڭتۇستىك پەن سولتۇستىكتىڭ ورتاق بەيبىت جوبالارىن دايىنداۋ اياسىندا مينالاردى جويۋ ءۇشىن ارنايى ورتالىق قۇرۋ كەرەكتىگىن ايتىپ، دابىل قاقتى. بۇل تۋرالى france24.com/fr حابارلايدى.

كورەي حالىقتىق دەموكراتيالىق رەسپۋبليكاسى (كحدر) مەن كورەي رەسپۋبليكاسىنىڭ اراسىنداعى قارۋسىزداندىرىلعان ايماقتى تولىقتاي ميناسىزداندىرۋعا 200 جىل كەتپەك. بۇل تۋرالى سارسەنبى، 4-قىركۇيەكتە كورەيا رەسپۋبليكاسىنىڭ قۇرلىق اسكەري ءبولىمىنىڭ وكىلى حابارلاعان. اسكەري قىزمەتكەردىڭ سوزىنشە، وسى ميناسىزداندىرۋ ىسىنە وڭتۇستىك كورەياداعى بارلىق ينجەنەرلىك بولىمشەلەر جۇمىلدىرىلعان كۇننىڭ وزىندە، تەحنولوگيانىڭ بۇگىنگى دەڭگەيىمەن پروتسەستى ەكى ءجۇز جىلدان از ۋاقىتتا جۇزەگە اسىرۋ مۇمكىن ەمەس. وسىعان بايلانىستى، قارۋلى كۇشتەر وكىلى قارۋسىزداندىرىلعان ايماقتاعى وڭتۇستىك پەن سولتۇستىك بەيبىت جوبالارىنىڭ دايىندىعى اياسىندا ارنايى ورتالىق قۇرۋ قاجەتتىلىگى تۋىندايتىنىن ايتقان.

بەيرەسمي مالىمەت بويىنشا، 1953 جىلدان بەرى ەكى ەل اراسىنداعى شەكارادا جاياۋ اسكەر مەن تانكتەرگە ەكى ميلليوننان استام قارسى مينا ورناتىلعان. ودان بولەك، سۋ تىسقىندارى مەن نوسەر جاۋىندار جىل سايىن مينالاردىڭ ورىندارىنىڭ اۋىسۋىنا اسەر ەتەدى. سوندىقتان، ولاردىڭ ناقتى ورنىن ءبىلۋ مۇمكىن ەمەس. "سول ءۇشىن، قارۋسىزداندىرىلعان ايماقتى قولمەن ميناسىزداندىرۋ ءۇشىن سول تەرريتوريانىڭ ءاربىر سانتيمەترىن تەكسەرۋگە تۋرا كەلەدى", - دەدى اسكەري وكىل.

“The Qazaq Times”