فوتو: كورنەكى سۋرەت

وڭتۇستىك كورەيانىڭ سپورت ءمينيسترى تو چونحۆان كحدر-نا (كورەي حالىقتىق-دەموكراتيالىق رەسپۋبليكاسى) 2020 جىلى توكيودا وتەتىن جازعى وليمپيادالىق ويىندارىنا بىرىگىپ قاتىسۋعا ۇسىنىس جاسادى.  بۇل تۋرالى «haberturk.com» حابارلايدى.

ول سولتۇستىككورەيالىق ارىپتەستەرىمەن سپورت تۋرالى تۇراقتى كەلىسسوزدەر وتكىزۋ مۇمكىندىگىن دە تالقىلاعان. وندا، قوس كورەي ەلىنەن قۇرالاتىن كوماندالار تالقىلانۋى مۇمكىن ەكەنى دە حابارلانعان. قازىرگى ۋاقىتتا ەكى كورەيانىڭ بىرىككەن قۇراما كومانداسى يندونەزياداعى ازيا ويىندارىنا قاتىسۋدا.

بارىمىزگە بەلگىلى، وسى جىلدىڭ اقپان ايىندا وڭتۇستىك كورەيا مەن كحدر-نىڭ سپورتشىلارى پحەنچحاندا وتكەن قىسقى وليمپيادا ويىندارىندا دا ءبىر تۋدىڭ استىندا جينالعان ەدى. سونىمەن قاتار، حوككەيدەن ايەلدەر اراسىنداعى بىرىككەن تۋرنيردە دە ەكى ەلدەن قۇرالعان كوماندا بوي كورسەتكەن بولاتىن.

“The Qazaq Times”