فوتو: كورنەكى سۋرەت

يران يسلام رەسپۋبليكاسى مەن يران ەكى ەل اراسىنداعى ساۋدا-ساتتىقتا امەريكالىق دوللارمەن ەسەپتەسۋدەن باس تارتۋ تۋرالى كەلىسىمشارتقا قول قويدى دەپ حابارلايدى www.lci.fr.

اقش «ورتاق قادام جان-جاقتى باعدارلاماسى» دەپ تە اتالاتىن 2015 جىلى جاسالعان يراننىڭ يادرولىق باعدارلاماسىنان شىعىپ، يرانعا قارسى سانكتسيالارىن قاتاڭداتقان ساتتەن باستاپ يراننىڭ نەگىزگى سەرىكتەستەرىمەن اراداعى ەكىجاقتى ساۋدا-ساتتىعى كوپ قيىندىققا ۇشىراعان. اسىرەسە، بۇل يراكپەن اراداعى ساۋدانى ەداۋىر دەڭگەيگە شايقالتىپ تاستاعان.  «مەحر» اقپاراتتىق اگەنتتىگىنىڭ حابارلاۋىنشا، يران-يراك ساۋدا-ونەركاسىپ پالاتاسىنىڭ باسشىسى ياحيا الە-ەشاك تاراپتاردىڭ ەكىجاقتى ساۋدادا اقش دوللارىنان باس تارتىپ، ەكى ەلدىڭ ۇلتتىق ۆاليۋتالارى مەن ەۋرونى پايدالانۋعا كەلىسكەندىكتەرىن راستاعان. بۇل قادامعا اقش-تىڭ يسلام رەسپۋبليكاسىنا قاتىستى قاتاڭ ساياساتى، ياعني سانكتسيالاردى قاتاڭداتۋى سەبەپ بولعان. ياحيا الە-ەشاك يراكتىڭ يراننىڭ ءۇش ءىرى ساۋدا سەرىكتەستەرىنىڭ ءبىرى بولىپ تابىلاتىنىن، ال يراننىڭ يراكتىڭ ەكىنشى ساۋدا سەرىكتەسى ەكەنىن ايتىپ، سول سەبەپتەن دە اقش تاراپىنان قابىلدانعان شەشىمدەردىڭ وسى ەلدەردىڭ ساۋدا سالالارى ءۇشىن وتە ۇلكەن سوققى بولعانىن، سوندىقتان دا ولاردىڭ امەريكا دوللارىنان باس تارتۋ سياقتى قادامدارعا بارۋدان باسقا تاڭداۋلارى قالماعانىن دا اتاپ وتكەن.

يران-يراك ساۋدا-ونەركاسىپ پالاتاسىنىڭ باسشىسى وزگە ەلدەر دە يراننان ساباق الادى ءارى ءۇشىنشى ەلدىڭ وزدەرىنىڭ ساۋدا ساياساتىنا ارالاسۋىنا جول بەرمەيدى دەپ ەسەپتەيتىنىن دە اتاپ ءوتتى.

“The Qazaq Times”