بۇگىن قىرعىزستاننىڭ شولپان-اتا قالاسىندا تۇركى تىلدەس مەملەكەتتەردىڭ ىنتىماقتاستىق كەڭەسىنىڭ VI-ءسامميتى وتپەك. بۇل تۋرالى قىرعىزستاننىڭ «nazarnews.kg» اقپارات كوزى حابارلايدى.

سامميتكە قازاقستان، قىرعىزستان، تۇركيا، ءازىربايجان جانە وزبەكستان ەلدەرىنىڭ  باسشىلارى قاتىسپاق. نەگىزىنەن، ۇيىمعا ءتورت مەملەكەت — قازاقستان، قىرعىزستان، تۇركيا جانە ءازىربايجان عانا مۇشە. ال، وزبەكستان قۇرمەتتى قوناق رەتىندە قاتىسپاق. سونىمەن قاتار، ماجارستان (ۆەنگريا) پرەمەر-ءمينيسترى ۆيكتور وربان دا سامميتكە باقىلاۋشى رەتىندە قاتىسادى دەپ كۇتىلۋدە.  ۇيىمعا توراعالىق ەتۋ بيىل قازاقستاننان قىرعىزستانعا وتۋدە. نەگىزىنەن، بۇل سامميت قىرعىزستاندا 2016 جىلى دا وتەدى دەپ جوسپارلانعان ەدى. الايدا، قىرعىزستاننىڭ سول كەزدەگى پرەزيدەنتى الماسپەك اتامباەۆ پەن تۇركيا پرەزيدەنتى رەجەپ تايىپ ەردوعاننىڭ اراسىنداعى ەكىجاقتى مامىلەنىڭ بۇزىلۋىنا بايلانىستى، بيىل ءوتىپ وتىر.

قازىرگى تاڭدا قىرعىزستاندا III دۇنيەجۇزىلىك كوشپەندىلەر ويىندارى دا باستالدى. وندا ەتنوسپورتتىڭ 37 ءتۇرى بويىنشا جارىس ءوتىپ، وعان 80 ەلدەن 3000 سپورتشى قاتىسادى دەپ كۇتىلۋدە. III دۇنيەجۇزىلىك كوشپەندىلەر ويىندارى 10 قىركۇيەككە دەيىن جالعاسادى.

“The Qazaq Times”