اتا زاڭ – ەل تىرەگى

بيىل اتا زاڭىمىزدىڭ قابىلدانعانىنا – 23 جىل. قازاقستان كونستيتۋتسياسى 1995 جىلى 30 تامىزدا بۇكىلحالىقتىق رەفەرەندۋمدا قابىلدانعان بولاتىن.

وسى ارالىقتا كونستيتۋتسيامىزعا بىرنەشە رەت وزگەرتۋلەر مەن تولىقتىرۋلار ەنگىزىلدى. تاۋەلسىزدىكتىڭ تولقۇجاتى سانالعان كونستيتۋتسيا 1995 جىلى دەموكراتيالىق، زايىرلى مەملەكەتتىڭ زاڭى بولىپ قابىلداندى. 1995 جىلى 30 تامىزدا ەلدىڭ جاڭا كونستيتۋتسياسىن قابىلداۋ جونىندە بۇكىلحالىقتىق رەفەرەندۋم ءوتىپ، وعان سايلاۋشىلاردىڭ 90,58 پايىزى قاتىستى. قاتىسۋشىلاردىڭ 89,14 پايىزى جاڭا كونستيتۋتسيانىڭ قابىلدانۋىن قولدادى. 2017 جىلى پرەزيدەنت ن.نازارباەۆ كونستيتۋتسياعا بىرقاتار وزگەرىستەر ەنگىزدى. مەملەكەت ءوز تاۋەلسىزدىگىن جاريالاعالى بەرى اتا زاڭ ءتورت رەت وزگەردى. سول ۋاقىتتان بەرى اتا زاڭ حالىق پەن مەملەكەت اراسىنداعى كوممۋنيكاتيۆتىك كۇشكە اينالدى.

بۇىنگى تاڭدا قازاقستاننىڭ اتا زاڭى الەمدەگى ەڭ جاس كونستيتۋتسيالاردىڭ ءبىرى بولىپ سانالادى. ايتۋلى مەرەكەگە وراي قر پرەزيدەنتى نۇرسۇلتان نازارباەۆ قازاقستاندىقتاردى كونستيتۋتسيا كۇنىمەن قۇتتىقتادى. ءوز سوزىندە ول: «اتا زاڭىمىزدا جاريالانعان زاڭ ۇستەمدىگى، قۇقىقتار مەن بوستاندىقتاردىڭ مۇلتىكسىز ساقتالۋ قاعيداتتارى، الەۋمەتتىك كەپىلدىكتەر مەن جالپى ادامزاتقا ورتاق جوعارى قۇندىلىقتار ءاربىر ازاماتتىڭ جانىنا جاقىن ءارى تۇسىنىكتى. قازىرگى كەزەڭدەگى قوعامدىق جانە مەملەكەتتىك قۇرىلىستىڭ كونستيتۋتسيالىق نورمالارى – بۇكىل قازاقستان حالقى ءۇشىن سەنىمدى بولاشاقتى قامتاماسىز ەتەتىن دايەكتى دامۋ مەن جاڭعىرۋ ۇدەرىستەرىنىڭ نەگىزى»، – دەدى.

اتا زاڭ – مەملەكەتتىڭ تىرەگى، تاۋەلسىزدىكتىڭ رەڭى. زاڭى ۇستەم ەلدىڭ زامانى قاشان دا تىنىش بولماق.

"The Qazaq Times"