ءسۇريا تەھرانمەن اسكەري-تەحنيكالىق ىنتىماقتاستىعىن ارتتىرماق

يران مەن ءسۇريانىڭ قورعانىس ۆەدوموستۆالارى ەكى ەل اراسىنداعى اسكەري-تەحنيكالىق ارىپتەستىكتەرىن دامىتپاق. بۇل تۋرالى يراندىق IRNA اقپارات اگەنتتىگى حابارلايدى.

اتالعان اقپارات كوزىنىڭ حابارلاۋىنشا، ءسۇريا اراب رەسپۋبليكاسىنىڭ قورعانىس ءمينيسترى ءالي ابداللا ايۋب پەن ونىڭ ارىپتەسى، ياعني يراننىڭ قارۋلى كۇشتەر جانە قورعانىس ءمينيسترى امير حاتامي اسكەري ىنتىماقتاستىقتى كەڭەيتۋ تۋرالى كەلىسىمشارتقا قول قويعان. «بۇل كەلىسىمشارت ەكىجاقتى ارەكەتتىڭ دامۋى ءۇشىن ۇلكەن مۇمكىندىكتەر قالىپتاستىرادى»، - دەپ مالىمدەگەن حاتامي. ول، سونداي-اق تەھراننىڭ ءسۇريانىڭ قالىپقا كەلتىرىلۋى ءۇشىن وعان جان-جاقتى كومەك كورسەتۋگە دايىن ەكەنىن مالىمدەدى. «يراننىڭ جەكە سەكتورى جەتكىلىكتى پوتەنتسيالعا يە. سوندىقتان دا ول سۇريالىق حالىق پەن ۇكىمەتكە ەلدىڭ قالپىنا كەلتىرىلۋى ءۇشىن كومەك بەرە الادى»، - دەگەن ول. ءوز كەزەگىندە، سۇريالىق قورعانىس ۆەدوموستۆاسىنىڭ باسشىسى دا «جاسالعان اسكەري-تەحنيكالىق كەلىسىمشارت تەھران مەن شام اراسىنداعى ىنتىماقتاستىقتىڭ دامىپ جاتقانىن كورسەتەدى» ، - دەگەن.

“The Qazaq Times”