ەلىمىزدىڭ  تەنيسشىلەرى  الەكساندر نەدوۆەسوۆ جانە اننا دانيلينينا يندونەزيادا ءوتىپ جاتقان 2018 جىلعى ازيادانىڭ قولا جۇلدەگەرى اتاندى.

الايدا، جارتىلاي فينالدا قازاقستاندىق تەنيسشىلەر تايلاندتىق جۇپقا ەسە جىبەرىپ الدى. وسىمەن قازاقستان قورجىنىندا 22 قولا جۇلدە بولدى. مۇنىڭ الدىندا قازاقستاندىق نارتاي كاجەنوۆ تاعى ءبىر قولاعا قول جەتكىزگەن بولاتىن.

69 كەلىگە دەيىنگى سالماقتا قازاقستاندىق سپورتشى سوڭعى بەلدەسۋىندە تۇركمەنستاندىق حەليلمۋحاممەت حوجامۋرادوۆتى جەڭدى.

وسىلايشا، قازاقستان سپورتشىلارى 2018 جىلعى ازيادانىڭ 32 جۇلدەسىنە قول جەتكىزدى، ولاردىڭ ىشىندە ءۇش التىن جانە جەتى كۇمىس مەدال بار.

“The Qazaq Times”