قازاقستان پرەزيدەنتى نۇرسۇلتان نازارباەۆ پەن تۇركىمەنستان باسشىسى قۇربانعۇلى بەردىمۇحامەدوۆ.

نۇرسۇلتان نازارباەۆ تۇركىمەنستان پرەزيدەنتى قۇربانعۇلى بەردىمۇحامەدوۆپەن كەزدەستى.

اقوردا ءباسپاسوز قىزمەتىنىڭ مالىمەتىنشە، نۇرسۇلتان نازارباەۆ قۇربانعۇلى بەردىمۇحامەدوۆپەن تۇركىمەنستاننىڭ تۇركىمەنباشى قالاسىندا كەزدەسكەن. كەزدەسۋ بارىسىندا ەكى ەل باسشىلارى ايماقتىق قاۋىپسىزدىك، ترانسپورتتىق-ترانزيت جانە ساۋدا-ەكونوميكالىق بايلانىس سالالارىن دامىتۋ جونىندە سويلەسكەن.

ەستەرىڭىزگە سالايىق، بۇگىن تۇركىمەنباشى قالاسىندا ارال تەڭىزىن قۇتقارۋ قورىن قۇرۋشى ەلدەردىڭ مەملەكەت باسشىلارىنىڭ ءسامميتى وتۋدە. وعان قازاقستان، وزبەكستان، قىرعىزستان، تۇركىمەنستان جانە تاجىكستان ەلدەرىنىڭ پرەزيدەنتتەرى قاتىسۋدا. ارال تەڭىزىن قۇتقارۋ قورى 1993 جىلى جوعارىدا اتالعان بەس مەملەكەتتىڭ باستاماسى بويىنشا قۇرىلعان.

"The Qazaq Times"