فوتو: كورنەكى سۋرەت

«حاشد اش-شاابي» شيتتىك توبىنىڭ جوعارى وكىلى كايس ال-حازالي يراكتى پرەزيدەنتتىك رەسپۋبليكاعا اينالدىرۋدى ۇسىندى، - دەپ حابارلايدى Kurdistan.ru.

ءحازاليدىڭ مۇنداي مالىمدەمە جاساۋىنا قازىرگى جۇيە مەملەكەتتىك ماسەلەلەردى شەشۋگە قابىلەتسىز دەگەن وي سەبەپ بولعان. بارىمىزگە بەلگىلى، يراكتاعى قازىرگى ساياسي جۇيە اقش-تىڭ قارۋلى كۇشتەرى ساددام حۇسەيندى پرەزيدەنت تاعىنان تۇسىرگەننەن كەيىن قالىپتاسقان ەدى. جاڭا بيلىك يراكتى پارلامەنتتىك رەسپۋبليكاعا اينالدىرىپ، كونستيتۋتسياسىن قايتا جاساپ شىققان. سوعان سايكەس، پرەمەر-مينيسترلىككە شيەتتەردىڭ وكىلى، ەل پرەزيدەنتتىگىنە كۇرد ۇلتىنىڭ وكىلى، ال پارلامەنت سپيكەرى لاۋازىمىنا — سۇننيتتىك يسلامنىڭ وكىلى  سايلانادى. نەگىزى، كوپتەن بەرى  يراكتاعى وسى جۇيەنى وزگەرتۋگە بايلانىستى ويلار ايتىلىپ جۇرگەنمەن، ءدال وسىنداي ناقتى ۇسىنىس جاسالماعان ەدى.

 “The Qazaq Times”