Фото: Көрнекі сурет

«Хашд аш-Шааби» шииттік тобының жоғары өкілі Каис аль-Хазали Иракты президенттік республикаға айналдыруды ұсынды, - деп хабарлайды Kurdistan.ru.

Хазалидің мұндай мәлімдеме жасауына қазіргі жүйе мемлекеттік мәселелерді шешуге қабілетсіз деген ой себеп болған. Бәрімізге белгілі, Ирактағы қазіргі саяси жүйе АҚШ-тың қарулы күштері Саддам Хүсейнді президент тағынан түсіргеннен кейін қалыптасқан еді. Жаңа билік Иракты парламенттік республикаға айналдырып, конституциясын қайта жасап шыққан. Соған сәйкес, премьер-министрлікке шииеттердің өкілі, ел президенттігіне күрд ұлтының өкілі, ал парламент спикері лауазымына — сүнниттік Исламның өкілі  сайланады. Негізі, көптен бері  Ирактағы осы жүйені өзгертуге байланысты ойлар айтылып жүргенмен, дәл осындай нақты ұсыныс жасалмаған еді.

 “The Qazaq Times”