وسى جىلدىڭ قىركۇيەك ايىنان باستاپ سىناق رەجيمىندە «استانا-تەمىرتاۋ» كۇرە جولىندا جول ءجۇرۋ اقىسى ەنگىزىلەدى.

«قازاۆتوجول» ۇك» اق-نىڭ ءباسپاسوز حاتشىسى باۋىرجان سەرىكباەۆ مالىمدەمەسىندە: «استانا-تەمىرتاۋ» كۇرە  جولىن قىركۇيەك ايىنان باستاپ سىناق رەجيمىندە ەنگىزۋ جوسپارلانىپ وتىر. ءبىر توقسان ىشىندە سىناق رەجيمىندە جۇمىس ىستەيدى، سودان كەيىن «قازاۆتوجول» ۇك» اق-نىڭ  قاراۋىنا وتەدى. قازىرگى كەزدە تولەم تولەنەتىن تەرمينالدار ورناتىلىپ، جابدىقتار جەتكىزىلدى»، - دەپ مالىمدەدى.

ءتورت جولاقتى جولدىڭ ۇزىندىعى 170 شاقىرىمدى قۇرايدى. ترانزيتتىك جەڭىل اۆتوكولىكتەر ءۇشىن تاريف 1 شاقىرىمعا - 1 تەڭگە. جولعا جاقىن ەلدى مەكەن تۇرعىندارى ءۇشىن جەكە تاريفپەن تولەنەدى - جىلدىق قۇنى 1000 تەڭگە.

15 توننادان اساتىن اۋىر جۇك كولىكتەرىنىڭ تىركەمەلەرىمەن، سونداي-اق جولاۋشىلار اۆتوبۋستارىنىڭ قۇنى سىناق رەجيمىنەن كەيىن انىقتالادى.

تولەم ادىستەرى: تولەم نۇكتەلەرىندە قولما-قول اقشامەن تولەۋ; Qiwi تەرمينالدارى، كاسسا 24; ينتەرنەت-تولەم (payway.kz); بانكتىك كارتوچكا; جەكە شوت (زاڭدى تۇلعالار ءۇشىن) سەكىلدى جولدارمەن جۇزەگە اسىرىلادى.

“The Qazaq Times”