فرانتسيانىڭ بۇرىنعى پرەزيدەنتىنىڭ باسىنا بۇلت ءۇيىرىلدى

فرانتسيانىڭ بۇرىنعى پرەزيدەنتى نيكوليا ساركوزي 2012 جىلعى سايلاۋداعى ۇگىت شارالارىنا جۇمسالعان زاڭسىز قاراجات ءۇشىن سوت الدىنا جاۋاپ بەرەتىن بولدى.

ول سايلاۋدا سوتسيالىستەردىڭ كانديداتى فرانسۋا وللاندىعا ۇتىلىپ قالعان ەدى.  “حالىق بىرلىگى ءۇشىن قوزعالىسى” (UMP) پارتياسى جالعان قۇجات ارقىلى 2012 جىلعى پرەزيدەنتتىك سايلاۋ بۇرىنعى حابارىندا كورسەتىلگەن قارجىدان 18 ملن ەۆرو اقشانى جاسىرعان دەپ ايىپ تاعىلىپ وتىر.

ەكس-پرەزيدەنت كورسەتىلگەن شەكتەن اقشانىڭ اسىپ كەتكەنىن بىلمەي قالعانىن ءبىر نەشە رەت ايتقان. بۇدان باسقا تاعى 13 ادام (ىشىندە پارتيانىڭ بۇرىنعى قۇرۋشىلارى دا بار) ەسەپتى بۇرمالاعان دەگەن كۇدىككە ىلىنگەن.

بۇل ءىس بويىنشا تەكسەرۋ 2014 جىلى باستالعان. تەرگەۋ مالىمەتىنە قاراعاندا قۇجاتتاردى كوزبوياۋشىلىقپەن جابۋ ءۇشىن “بيگماليون” جارنامالىق فيرماسى ارقىلى ىسكە اسىرعان.

ساركوزي 2012 جىلى پرەزيدەنتتىك سايلاۋدان ۇتىلىپ قالعان. 2016 جىلى كانديداتۋراسىن قايتا ۇسىنعانىمەن جەڭىسكە جەتە العان جوق.

«The Qazaq Times»