فوتو: meydan.com.tr

26-27 شىلدە كۇندەرى ءباا-دە بريكس (برازيليا، رەسەي، ءۇندىستان، قىتاي، ءباا) ەلدەرى باسشىلارىنىڭ ءسامميتى بولىپ ەتتى. وسى سامميتپەن تۇسپا-تۇس، ءباا-گە رەسمي ساپارمەن بارعان تۇركيا پرەزيدەنتى رەجەپ تايىپ ەردوعان ۇيىم قۇرامىندا بولۋدى قالايتىنىن مالىمدەگەن.

يوحاننەسبۋرگقا رەسمي ساپارمەن بارعان تۇرىك پرەزيدەنتى رەجەپ تايىپ ەردوعان بريكس ەلدەرىنىڭ ليدەرلەرى تۇركيانىڭ دا اتالعان ۇيىم مۇشەسى بولۋىنا مۇمكىندىك بەرۋ كەرەك دەپ ۇسىنىس جاساعان. بۇل تۋرالى «Hurriyet Daily News»  تۇركيا باسشىسىنىڭ سوزىنە سىلتەمە جاساپ حابارلادى.

«ەگەر سىزدەر (بريكس ەلدەرى) ءبىزدى (تۇركيانى) ءوز قاتارلارىڭىزعا الساڭىزدار، پلاتفورمانىڭ اتاۋىن بريكست دەپ قايتا وزگەرتەر ەدىك» ، - دەپ ءوز ويىن دا جاسىرمادى ر.ەردوعان.

بۇل سامميت وداقتىڭ قۇرىلعانىنا ون جىل تولۋىنا بايلانىستى اتاۋلى داتاعا سايكەس كەلگەندىكتەن، ءبىر جاعىنان ەسەپتىك-قورىتىندى جيىن رەتىندە اۋقىمدى ماسەلەلەر قامتىلعان. سامميتتە ستراتەگيالىق سەرىكتەستەردىڭ ىنتىماقتاستارى مەن ۇيىمنىڭ ودان ارگى دامۋ ماسەلەلەرى ءسوز بولعان.

“The Qazaq Times”