پۋتين: شانحاي ىنتىماقتاستىق ۇيىمى الىپ اسكەري كۇشكە يە

رەسەي پرەزيدەنتى ۆلاديمير پۋتين: «شانحاي ىنتىماقتاستىق ۇيىمى الىپ اسكەري كۇشكە يە» - دەپ مالىمدەدى.

ۆلاديمير پۋتين شانحاي ىنتىماقتاستىق ۇيىمىنىڭ ءسامميتى قارساڭىندا قىتاي تەلەارنالارىنىڭ بىرىنە سۇحبات بەرگەن. وندا ول: «شىۇ الىپ اسكەري قۋاتقا يە. بىراق ءبىز بۇل كۇشتى بىرەۋگە قارسى پايدالانبايمىز. اسكەري كۇش ۇيىمعا مۇشە ەلدەردىڭ قاۋىپسىزدىگىن قامتاماسىز ەتۋگە جانە وزگە ەلدەرمەن بايلانىس ورناتۋعا قاجەت. ءبىز كەز كەلگەن قۇرلىقتاعى ەلمەن بايلانىس ورناتۋعا دايىنبىز. شانحاي ىنتىماقتاستىق ۇيىمىنىڭ الىپ كۇش ەكەندىگى دالەلدەۋدى قاجەت ەتپەيدى. سەبەبى الەم حالقىنىڭ 43 پايىزى مەن ءجىو-ءنىڭ تورتتەن ءبىرى ءبىزدىڭ ەلدەرىمىزگە تيەسەلى» - دەپ مالىمدەگەن.

ەستەرىڭىزگە سالايىق، ماۋسىم ايىنىڭ 6-ى مەن 10-ى كۇندەرى ارالىعىندا قىتايدىڭ چينداۋ (چينداو) قالاسىندا شانحاي ىنتىماقتاستىق ۇيىمىنىڭ ءسامميتى وتەدى. وعان قازاقستان، رەسەي، قىرعىزستان، يران، ءۇندىستان، پاكىستان ەلدەرىنىڭ مەملەكەت باسشىلارى قاتىسادى دەپ جوسپارلانۋدا.

“The Qazaq Times”