ەۋروپا وداعى رەسەيدى 2014 جىلى اپاتقا ۇشىراعان مالايزيالىق Boeing-777  ۇشاعىنا قاتىستى كىنالىلەردى تابۋعا كومەكتەسىپ، ءوزىنىڭ وسى ىسكە قاتىستى جاۋاپكەرشىلىگىن مويىنداۋعا شاقىردى.

بۇل تۋرالى ەۋروپا وداعىنىڭ سىرتقى ىستەر جانە قاۋىپسىزدىك جونىندەگى جوعارى وكىلى فرەدەريكا موگەريني مالىمدەدى، دەپ حابارلايدى fr.euronews.com اگەنتتىگى.

«ەۋروداققا مۇشە 28 ەلدىڭ بارلىعى وسى اپاتتى كىم ۇيىمداستىرعانىن انىقتاۋ ءۇشىن بىرىكتى. ءبىز رەسەيدى وسى ىستەگى جاۋاپكەرشىلىگىن موينىنا الىپ، كىنالىلەردى انىقتاۋ جۇمىستارىنا قاتىسۋعا شاقىرامىز»، - دەپ مالىمدەدى موگەريني.

ەستەرىڭىزە سالساق، اۆستراليا مەن نيدەرلاند ەلدەرى من17 رەيسىن جاساپ، اپاتقا ۇشىراعان مالايزيالىق Boeing-777 ۇشاعى ءۇشىن جاۋاپكەرشىلىكتىڭ ءبارىن رەسمي تۇردە رەسەيگە ارتقان ەدى.

ايتا كەتۋ كەرەك، 2014 جىلدىڭ 17 شىلدەسىندە ۋكراينا تەرريتورياسىندا سول ۇشاقتا قازا تاپقان 270 ادامنىڭ تۋىستارىنان قۇرالعان توپ رەسەيگە قارسى ۇجىمدىق سوت ءىسىن دايىنداعان. «Malaysia Airlines» اۆياكومپانياسىنا تيەسىلى ۇشاق امستەردامنان كۋالا-لۋمپۋرعا باعىت العان بولاتىن. ۇشاقتاعى 298 ادامنىڭ ءبارى قازا تاۋىپ، 2014 جىلدىڭ تامىز ايىندا حالىقارالىق تەرگەۋ  توبى قۇرىلعان ەدى.

ال، 2016 جىلدىڭ 28 قىركۇيەگىندە حالىقارالىق تەرگەۋ توبى مالايزيالىق Boeing-777 ۇشاق اپاتىنىڭ زەرتتەۋ ناتيجەلەرىن رەسمي تۇردە جاريالادى. زەرتتەۋ ناتيجەلەرى ۇشاققا رەسەي تەرريتورياسىنان دونباسسقا جەتكىزىلگەن زرك بۋك ارقىلى سوققى بەرىلگەن.

“The Qazaq Times”