قىرعىز رەسپۋبليكاسىنىڭ بۇرىنعى پرەمەر-ءمينيسترى ساپار يساكوۆتى ۇلتتىق قاۋىپسىزدىك كوميتەتىنىڭ قىزمەتكەرلەرى تاعى تەرگەمەك. ول بىشكەكتەگى جىلۋ ەلەكتر ستانتسياسىنداعى اپاتقا قاتىستى كۋاگەر رەتىندە جاۋاپ بەرەدى.

ەكس-پرەمەر جۋرناليستەرگە بەرگەن سۇقباتىندا: "مەنى تەرگەۋگە نە ءۇشىن قايتا شاقىرعانىن بىلمەيمىن. بىراق، مۇنىڭ استارىندا قانداي سىر جاتقانىن ۇققاندايمىن" - دەدى. سونداي-اق، ول: "المازبەك اتامباەۆ پەن ونىڭ كومانداسى تازا جۇمىس ىستەدى. سىيبايلاس جەمقورلىققا جول بەرگەن جوق" - دەپ، كەسىپ ايتتى. سوزىنشە، تەرگەۋ ىسىنە ساياساتتىڭ ارالاسقانىن قالامايدى. ايتپەسە، بۇرىنعى بيىك پەن قازىرگى باسشىلاردىڭ اراسىندا ۇلكەن كيكىلجىڭ بولاتىنىن پايىمداپ وتىر.

ەستە بولسا، 40 جاستاعى ساپار يساكوۆ پرەمەر-مينيستر بولىپ نەبارى 8 اي عانا جۇمىس ىستەدى. قىرعىز پارلامەنتى ول باسقارعان ۇكىمەتكە سەنىمسىزدىك بىلدىرگەن سوڭ، ءوز ەركىمەن وتستاۆكاعا كەتكەن.

“The Qazaq Times”