كانادالىق دەپۋتات وتانداستارىن ورازا ۇستاۋعا شاقىردى

كانادا پارلامەنتىنىڭ دەپۋتاتى مارك حوللاند حريستيان بولعانىنا قاراماستان، وسىمەن بىرنەشە جىل قاتارىنان قاسيەتتتى رامازان ايىندا ورازا ۇستاپ كەلەدى، دەپ حابارلايدى «IslamNews».

2015 جىلدان بەرى مۇسىلمانداردىڭ مۇباراك ايى رامازاندا اۋىز بەكىتۋدى ادەتكە اينالدىرعان حوللاند، ءوزىنىڭ بۇل ارەكەتىن بارشا مۇسىلماندارعا دەگەن قۇرمەت دەپ تۇسىندىرەدى. ول سونداي-اق، رامازان ايىن اقشا ۇنەمدەۋ ءۇشىن ۇلكەن مۇمكىندىك ايى دەپ سانايدى. ونىڭ ويىنشا، تاماققا جۇمسايتىن اقشانى قايىرىمدىلىق ىستەرىنە ارناعان ابزال.

كانادا پارلامەنتىنىڭ وتىرىسىندا وسىنداي مالىمدەمە جاساعان حوللاندتىڭ سوزىنە تاڭقالۋشىلار كوبەيۋدە. ونىڭ ۇستىنە، مارك وتانداستارىن وزىنەن ۇلگى الۋعا شاقىرىپ، ءتىپتى ولاردى دا مۇسىلماندارمەن بىرگە ورازا ۇستاۋعا ۇندەدى.

“The Qazaq Times”