فوتو: darakchi.uz

وزبەكستان پرەزيدەنتى قاۋىپسىزدىك قىزمەتىنىڭ جەتەكشىس ابدۋراحيم مۋمينوۆ قىزمەتىنەن الىنىپ، توتەنشە جاعدايلار ءمينيسترىنىڭ ورىنباسارى قىزمەتىنە تاعايىندالدى. ال تاشكەنت جول قوزعالىسى قاۋىپسىزدىگى باسقارما باسشىسى، پولكوۆنيك بارات مامەنوۆقا قىلمىستىق ءىس قوزعالعان. بۇل تۋرالى ورتالىق ازيا جاڭالىقتار قىزمەتى حابارلادى.

اتى-ءجونىن ايتۋدى ءجون كورمەگەن وزبەك شەنەۋنىگى جوعارىداعى اۋىز-تۇيىسكە جانە قوزعالعان قىلمىستىق ىسكە 23-24 ساۋىردە تۇركىمەنستان پرەزيدەنتىنىڭ كەلۋى قارساڭىندا بولعان جاعداي سەبەپ بولدى دەيدى. بۇل وقيعا وزبەكستان پرەزيدەنتى شاۆكات ميرزياەۆتىڭ اشۋىنا تيگەن.

"پرەزيدەنت تاشكەنتتەگى نىسانداردىڭ ءبىرىن قاراپ جۇرگەن. وسى ۋاقىتتا جول ينسپەكتوردىڭ ءبىرى ءدال وسى اۋدانمەن ءوتۋدى شەشكەن. پرەزيدەنتتىڭ قاۋىپسىزدىك قىزمەتىندەگى ادامدار وعان رۇقسات بەرگەن. بىراق تىنىش، ەشقانداي شۋسىز ءوتۋىن سۇراعان. بىراق جول ينسپەكتورى قاتتى جىلدامدىقپەن سيرەنانى قوسىپ وتكەن. مۇنىڭ ءبارىن پرەزيدەنت شاۆكات ميرزياەۆ كورگەن،" – دەيدى تاشكەنت جول قوزعالىسى قاۋىپسىزدىگى باسقارماسىندا ىستەيتىن قىزمەتكەردىڭ ءبىرى.

ول بارات مامەنوۆ اسكەري اباقتىعا بەس كۇنگە قامالعانىن ايتادى.

ال ابدۋراحيم مۋمينوۆ وزبەكستان پرەزيدەنتى قاۋىپسىزدىك قىزمەتى باسشىلىعىنا 2016 جىلى كەلگەن بولاتىن.

“The Qazaq Times”