ساۋد ارابياسى كاتاردى سۇرياعا اسكەر كىرگىزۋگە شاقىردى

ساۋد ارابياسى كاتاردى سۇرياعا اسكەر كىرگىزۋگە شاقىردى – دەپ حابارلايدى korrespondent. net ينتەرنەت باسىلىمى.

ءساۋىر ايىنىڭ 24-ءى كۇنى ساۋدا ارابيا سىرتقى ىستەر ءمينيسترى ادەل ءال-دجۋبەير ءسۇريا ماسەلەسىنە بايلانىستى جۋرناليستەر الدىندا سويلەگەن سوزىندە: «كاتار اقش اسكەرىنە ءسۇريا اۋماعىندا جۇرگەنى ءۇشىن اقشا تولەۋى ءتيىس جانە اقش پرەزيدەنتى كاتاردى قورعاۋدان باس تارتقانعا دەيىن ءوز اسكەرىن سۇرياعا كىرگىزۋى كەرەك. ەگەر اقش كاتاردى قورعاۋىن توقتاتاتىن بولسا، وندا كاتارداعى بيلىك رەجيمى ءبىر اپتانىڭ ىشىندە جوق بولادى» - دەگەن.

ەستەرىڭىزگە سالايىق، 17 ءساۋىر كۇنى ەر-رياد قالاسىندا بۇۇ باس حاتشىسى انتونيۋ گۋتەررەش پەن ساۋد ارابيا سىرتقى ىستەر ءمينيسترى ادەل ءال-دجۋبەير بىرىككەن ءباسپاسوز ءماسليحاتىن وتكىزگەن. ءباسپاسوز كونفەرەنتسياسى بارىسىندا ءال-دجۋبەير ءسۇريا ماسەلەسىنە قاتىستى مالىمدەمە جاساعان. وندا ول: «ءتيىستى ۇسىنىستار بولسا ساۋد ارابياسى سۇرياعا اسكەر كىرگىزۋگە دايىن» - دەپ مالىمدەگەن.

جالپى، ساۋد ارابياسى مەن كاتار قارىم-قاتىناسى سوڭعى جىلدارى ناشارلاعان. 2017 جىلدىڭ ماۋسىم ايىندا ساۋد ارابياسى، مىسىر ءباا جانە باحرەين كاتاردى تەرروريستەردى قولداپ وتىر دەپ ايىپتاپ، ديپلوماتيالىق بايلانىستارىن ۇزگەن.

“The Qazaq Times”