فوتو: bbc.com

بۇۇ-نا قاراستى حالىقارالىق راحىمشىلىق ۇيىمى (Amnesty International) 2017 جىلى دۇنيەجۇزىندە شامامەن 1000 ادامنىڭ ءولىم جازاسىنا كەسىلگەنىن مالىمدەدى. بۇل تۋرالى بي-بي-سي اقپاراتتىق اگەنتتىگى حابارلايدى.

حالىقارالىق راحىمشىلىق ۇيىمى ءولىم جازاسىنا قاتىستى شىندىقتىڭ بەتىن اشتى. 2017 جىلى دۇنيەجۇزى بويىنشا تىركەلگەن ءولىم جازالارىنىڭ 84 %-ى يران، پاكىستان، ساۋد ارابياسى جانە يراك ەلدەرىندە ورىن الىپتى. ۇيىم 2017 جىلى ۇكىمى بەرىلگەن ءولىم جازاسىنا قاتىستى ماسەلەدە قانداي دا ءبىر مالىمەت بەرۋدەن باس تارتقان قىتايدى ەسەپكە الماعاندارىن، ەگەر وسى ەلدەگى ءولىم جازاسى ەسەپكە الىنار بولسا، بۇل كورسەتكىشتىڭ ودان دا ارتاتىنىن حابارلاۋدا.

ءولىم جازاسى قولدانىلاتىن ەلدەردىڭ سانى ءبىر جىل بۇرىنعى كورسەتكىشپەن سالىستىرعاندا، ەشقانداي وزگەرىسسىز، ياعني 23 ەلدە بار.

الايدا، ءولىم جازاسى قولدانىلاتىن ەلدەر اراسىندا وزگەرىس بار. ماسەلەن، باحرەين، يوردانيا، كۋۆەيت جانە بىرىككەن اراب امىرلىكتەرى مۇنداي جازا ءتۇرىن وتكەن جىلدان باستاپ قولدانۋدا. ال بۇعان كەرەعار، 2016 جىلى ءولىم جازاسىن زاڭداستىرعان 5 ەل — بوستۆانا، ەندونەزيا، نيگەريا، سۋدان جانە تايۋان (تايۆان) ەلدەرى 2017 جىلى مۇنداي جازا تۇرىنەن باس تارتقان. 2017 جىلى 2 ەل (قىتاي مەن موڭعوليا) ءولىم جازاسىن تولىقتاي جويعان.

حالىقارالىق راحىمشىلىق ۇيىمى 2017 جىلعى بىرقاتار ەلدە قولدانىلعان ءولىم جازاسىنىڭ ادىلەتتىلىك تۇرعىسىنان حالىقارالىق كريتەريلەرگە سايكەس كەلمەيتىنىن حابارلادى.

“The Qazaq Times”