ۇلىبريتانيا پرەمەر-ءمينيسترى تەرەزا مەي مەن اقش پرەزيدەنتى دونالد ترامپ.

اقش پرەزيدەنتى دونالد ترامپ پەن ۇلىبريتانيا پرەمەر-ءمينيسترى تەرەزا مەي رەسەي فەدەراتسياسىنىڭ شپيوندىق جۇيەسىن جويۋدى تالقىلادى – دەپ حابارلايدى اق ءۇي ءباسپاسوز قىزمەتى.

اق ءۇي مالىمەتىنشە، ناۋرىز ايىنىڭ 28-ءى كۇنى دونالد ترامپ پەن تەرەزا مەي تەلەفون ارقىلى تىلدەسكەن. سويلەسۋ بارىسىندا قوس تاراپ سولسبەري قالاسىنداعى جاعداي قايتالانباس ءۇشىن اقش پەن ۇلىبريتانيا اۋماعىنداعى رەسەي بارلاۋشىلارىنىڭ شپيوندىق جۇيەسىن جويۋ كەرەكتىگىن ايتقان جانە ەكى جاقتىق قارىم-قاتىناس، قاۋىپسىزدىك ماسەلەلەرىن تالقىلاعان.

ەستەرىڭىزگە سالايىق، 4 ناۋرىز كۇنى ۇلىبريتانيانىڭ سولسبەري قالاسىندا رەسەي بارلاۋ قىزمەتىنىڭ بۇرىنعى اگەنتى سەرگەي سكريپال مەن ونىڭ قىزى ەس-ءتۇسسىز كۇيىندە تابىلعان. اتالمىش وقيعادان كەيىن پرەمەر-مينيستر تەرەزا مەي ەكس-اگەنتتى رەسەيدە جاسالعان جۇيكە جۇيەسىن زاقىمدايدىن حيميالىق زاتپەن ۋلاعانىن مالىمدەگەن.

“The Qazaq Times”