بالالارىنا قارۋ بەرىپ سوعىسقا جىبەرەتىن كىمدەر؟

بۇۇ مالىمەتىنە قاراعاندا قاقتىعىس بولعان ەلدەردە بىلتىر 5 مىڭ ءجاسوسپىرىم قارۋلى توپتاردان بوساتىلعان، الايدا قازىردىڭ وزىندە 10 مىڭنان استام بالا ءتۇرلى تەررورلىق ۇيىمنىڭ قاتارىندا قارۋ كوتەرىپ ءجۇر. حالىقارالىق قاۋىمداستىق بۇل مالىمەتتەردى «بالالاردى قارۋلى قاقتىعىستارعا قاتىستىرۋعا قارسى حالىقارالىق كۇنگە» وراي جاريا ەتتى. بۇل تۋرالى VOA اقپاراتتىق سايتى حابارلادى.

كامەلەتتىك جاسقا تولماعان بالالاردىڭ قولىنا قارۋ بەرىپ، قاقتىعىستارعا جاۋىنگەر رەتىندە ايداپ سالۋعا قارسى حالىقارالىق دەڭگەيدەگى شارالاردىڭ ناتيجەسىندە، وتكەن ءبىر جىل ىشىندە 20 مەملەكەتتەن 5 مىڭعا جۋىق بالا بەيبىت ومىرگە جىبەرىلگەن. بىراق، بۇۇ مالىمەتىنە قاراعاندا قۇتقارىلعان 5 مىڭعا جۋىق بالانىڭ دا اۋىر ازاپ پەن جابىرلەۋدى باسىنان وتكەرگەن.

بالالاردى سوعىسقا يتەرمەلەگەن ەلدەردىڭ تىزىمىندە رەتىمەن اۋعانستان، ورتالىق افريكا رەسپۋبليكاسى، دەموكراتيالىق كونگو رەسپۋبليكاسى، يراك، ميانما، نيگەريا، سومالي، وڭتۇستىك سۋدان، ءسۇريا جانە يەمەن قاتارلى ەلدەر بار.

“The Qazaq Times”