"يم" كۇشتەرى اۋعانستاندا كۇش بىرىكتىرە باستادى. فوتو: Zero Hedge.

تۇركيا، رەسەي جانە بىرقاتار ەلدىڭ قاۋىپسىزدىك كۇشتەرى تاراتقان مالىمەتتە، يراك پەن ءسۇريادان جەڭىلىس تاپقان دايش تەررورلى ۇيىمى اۋعانستانعا قاراي باعىت العانى ايتىلعان. بۇل تۋرالى «انادولى» اقپارات اگەنتتىگىنىڭ رەسمي سايتى حابارلايدى.

اۋعانستان جەرىندە وسىعان دەيىن «يم» كۇشتەرى مەن جەرگىلىكتى تاليبان قارۋلىلارى اراسىندا قاقتىعىستاردىڭ بولعانىن، ونىڭ سەبەبى ىقپال كولەمىن ارتتىرۋ ءۇشىن جاسالىپ جاتقان تۋرالى حابارلانعان ەدى. تۇركيا، يراك، رەسەي قاتارلى ەلدەردىڭ جانە تاجىكستانداعى رەسەي ەلشىلىگىنىڭ بەرگەن مالىمەتتەرىنە سەنسەك، سوڭعى كەزدە دايش ۇيىمى اۋعانستانداعى كۇشىن ارتتىرا تۇسكەن. قازىر اۋعانستان جەرىندە دايش-تىڭ 10 مىڭنان استام مۇشەسى بار.

رەسەيدىڭ تاجىكستانداعى ەلشىلىگى بەرگەن مالىمەتكە سۇيەنسەك، اتالعان ۇيىمنىڭ مۇشەلەرى اۋعانستاننىڭ سولتۇستىگىندەگى تاجىكستان جانە تۇركىمەنستانمەن شەكارالاس وڭىرلەرگە كوپتەپ شوعىرلانعان.

“The Qazaq Times”