اقش-تا ترامپ ساياساتىن قولداۋ رەيتينگى جوعارىلادى

قۇراما شتاتتاعى بەلسەندى قوعامدىق ۇيىمدار، مەديالار ءار اي سايىن اقش پرەزيدەنتى باعالاۋ جونىندەگى ساۋالناما جۇرگىزەدى. پرەزيدەنت ترامپ اق ءۇي باسشىسى بولعالى بەرى ونىڭ ساياساتىن قولداۋ كورسەتكىشى اي سايىن تومەندەپ كەلدى. كەزەكتى باعالاۋ قورىتىندىسى بويىنشا دا بۇل ءۇردىس جالعاسىن تاپقان. كەرىسىنشە ترامپتىڭ ەكونوميكالىق شارالارىنا قولداۋ رەيتينگى جوعارىلاعان.

اقش-تاعى تانىمال «WSJ» باسىلىمى مەن NBC ارناسى بىرلەسە وتىرىپ جاساعان جاڭا ساۋالناما ناتيجەسىنە قاراعاندا، ترامپتىڭ ەكونوميكادا جاساعان جاڭا رەفورمالارى امەريكالىقتاردىڭ كوڭىلىنەن شىعۋدا. ايتالىق قۇراما شتاتتا جۇمىسسىزدىق دەڭگەيى 17 جىلداعى ەڭ تومەنگى كورسەتكىشكە تۇسكەن. جۇمىسپەن قامتۋ مەن قور نارىعى سالاسىندا جاڭا رەكورد تىركەلگەن. رەسپوندەنتتەردىڭ باسىم كوبى ترامپتىڭ ەكونوميكا ساياساتىنا قولداۋ بىلدىرگەن. تەك ساۋالناما قاتىسقانداردىڭ 37 پايىزى عانا قارسى پىكىردە.

وتكەن ايداعى «Pew» زەرتتەۋ ورتالىعىنىڭ ساۋالناماسىنا سايكەس، رەسپوندەنتتەردىڭ 32 پايىزى عانا ترامپ ساياساتىن قولداعان ەدى. بۇعان قاراپ، قاراشا ايىنا قاراعاندا ترامپتىڭ امەريكالىقتار اراسىندا بەدەلى ارتا ءتۇستى دەۋگە بولادى. قاراشا ايىندا ول ءوزىنىڭ پرەزيدەنت بولعاننان بەرگى ەڭ تومەن قولداۋ كورسەتكىشىنە يە بولىپ ەدى.

جاڭا زەرتتەۋ ناتيجەسىنە قاراعاندا، ترامپتى قولداۋ كورسەتكىشى 38 پايىزدى قۇراپ، 6 پايىزعا جوعارلاعان.

“The Qazaq Times”