يەرۋساليم ماسەلەسىنەن كەيىن يزرايل F-35 جويعىش ۇشاقتارىن رەسمي ىسكە قوستى

ءيزرايلدىڭ قورعانىس وكىلدەرى كەشە تۇستەن كەيىن مالىمدەمە جاساپ، قۇراما شتاتتان ەنگىزىلگەن 9 دانا F-35 جاۋىنگەرلىك ۇشاعى يزرايل اسكەري اۋە كۇشتەرىنىڭ «التىن قىران» (Air Eagle) №140 ەسكادرونىنا تىركەلگەنىن حابارلادى. بۇل تۋرالى «شينلاڭ» اقپاراتتىق سايتى حابارلادى.

ااك-ءنىڭ قىزمەتكەرلەرىنە جاساعان مالىمەتىندە يزرايل اۋە كۇشتەرىنىڭ كومانديرى امكوم نووگين: «يزرايل اۋە كۇشتەرىنە تاياۋ شىعىستاعى دامىپ كەلە جاتقان جانە كۇردەلى ماسەلەلەردى شەشۋ ءۇشىن جوعارى ساپالى اۋە كۇشتەرى قاجەت. F-35 جويعىش ۇشاقتارى قاتارىمىزعا دەر كەزىندە كەلىپ قوسىلدى. بۇل يزرايل اۋە كۇشتەرىنىڭ مۇمكىندىگى مەن دەڭگەيىن كوتەرەتىن بولادى»، – دەدى.

بۇل ءيزرايلدىڭ الەمدە اقش-تان باسقا F-35 سوعىس ۇشاقتارىنا يە بىردەن ءبىر ەل بولعانىن كورسەتەدى. سونىمەن بىرگە اقش پەن يزرايل اراسىنداعى ەرەكشە ستراتەگيالىق قارىم-قاتىناستىڭ بار ەكەنىن تۇسىندىرەدى. ايتا كەتەيىك، يزرايل ااك-ءى 2016 جىلدىڭ جەلتوقسان ايىندا وزدەرىنىڭ العاشقى F-35 ۇشاعىنا يە بولعاننان كەيىن، جىل بويى جابدىقتاۋ جانە تۇزەتۋ جۇمىستارىن ىستەگەن.

اقش پرەزيدەنتى يەرۋساليم قالاسىن يزرايل استاناسى دەپ تانيتىنى تۋرالى شەشىمىن جاريا ەتتى. بۇل يزرايل ءۇشىن تابىستى قادام بولۋمەن بىرگە اراب ەلدەرىنەن كەلەتىن قاۋىپ پەن قىسىمدى ارتتىرا تۇسەدى. وسى كەزدە يزرايل جاق اۋە كۇشتەرىنىڭ F-35 ۇشاقتارىن رەسمي قاتارعا قوسىپ، وڭىردەگى اۋە كۇشتەرىندەگى باسىمدىعىن تانىتۋدا.

“The Qazaq Times”