اقش تۇركيانىڭ كۇردتەرگە قارسى شابۋىلىن توقتاتۋ ءۇشىن F-35 ۇشاقتارىن ساتىپ بەرەتىنىن ايتقان. بۇنداي ۇسىنىستى پرەزيدەنتى ترامپ تۇركيا پرەزيدەنتىمەن تەلەفون ارقىلى سويلەسكەن كەزدە ورتاعا قويعان.

بۇدان بۇرىن انكارانىڭ رەسەيلىك اۋە قورعانىس جۇيەلەردى ساتىپ العانىن ايىپتاپ، اقش F-35 ۇشاقتارىن جاۋىنگەرلىك ۇشاقتاردى ساتۋ كەلىسىمىن توقتاتقان بولاتىن. بۇل كىربەڭدىك ءوز كەزىندە اقش-تۇركيا قاتىناسىنا سالقىنىن تيگىزگەن ەدى.

ترامپتىڭ ەردوعانعا جاساعان ۇسىنىسى تۋرالى مەملەكەتتىك دەپارتامەنتتىڭ لاۋازىمدىسىنا سىلتەمە جاساي وتىرىپ «ۋاشينگتون پوست» باسىلىمى جازدى. اتى-ءجونى جاسىرىلعان بۇل لاۋازىمدى تۇلعانىڭ ايتۋىنشا، ترامپ تۇركيا ءسۇريانىڭ سولتۇستىگىندەگى اسكەري ارەكەتتەرىن توقتاتاتىن بولسا، F-35 ۇشاقتارىن ساتۋدى جانداندىرۋمەن بىرگە ەكونوميكالىق جەڭىلدىكتەر ۇسىناتىنىن ايتقان. ءارى، تۇركيا پرەزيدەنتىن قۇراما شتاتقا شاقىرعان.

الايدا، پرەزيدەنت ەردوعان امەريكالىق ارىپتەسىنىڭ "باعالى" ۇسىنىسىنا قانداي رەاكتسيا تانىتقانى بەيمالىم. اسكەري ارەكەتتەردىڭ جالعاسىپ جاتقانىنا قاراپ ترامپ ۇسىنىسى تولىقتاي قابىلدانباعانىن بىلۋگە بولادى.

“The Qazaq Times”