فوتو: BBC.com

بيىلعى وسكار سىيلىعىنا الەمگە كەڭ تانىلعان La La Land ءفيلمى ۇسىنىلدى.  بۇل تۋرالى BBC.com  جاڭالىقتار قىزمەتى حابارلايدى. زاماناۋاي مۋزىكالىق رومانتيكا كينومانداردىڭ كوڭىلىنەن شىقتى دەۋىمىزگە نەگىز بار. سونداي-اق،  ولار (كينوماندار) فيلمدە ويناعان  ەمما ستوۋن مەن رايان گوسلينگ نومينانتتار قاتارىندا بولادى دەپ بولجام جاساۋدا. 

وقىرمانداردىڭ نازارىنا ءبىز ءسوز ەتىپ وتىرعان La La Land ءفيلمى جايلى اقپاراتتاردى ۇسىنعاندى ءجون سانادىق.

«لا-لا لەند» — دەميەن شازەلل تۇسىرگەن امەريكالىق تراگيكومەديا جانرىنداعى ميۋزيكل ءفيلمى.فيلم لوس-اندجەلەستەگى جاس اكتريساعا عاشىق بولعان دجاز پيانوشى تۋرالى باياندايدى. لەنتانىڭ الەمدىك پرەمەراسى 2016 جىلدىڭ 31 تامىز كۇنى ۆەنەتسيان حالىقارالىق فەستيۆالىندە وتكىزىلىپ، سول فەستيۆالدىڭ اشىلۋ ءفيلمى رەتىندە كورسەتىلدى. ال قازاقستانداعى پرەمەراسى — 2017 جىلدىڭ 12 قاڭتار ءوتتى. بۇل ءفيلمدى كورگەندەردىڭ بارلىعى جوعارى باعا بەرۋدە. پروديۋسەر، تەلەجۇرگىزۋشى ءلايلا سۇلتانقىزى دا  ماسساگەتكە جاريالاعان  فيلم جايلى جازباسىندا بىلاي دەلىنگەن: "لا-لا لەندتەن» رەجيسسەرلىك شەبەرلىكتىڭ شىڭىن كوردىم. ءار بولىگىنىڭ بولشەگىنە دەيىن، ءاربىر قيمىل دالدىكپەن ولەشەنىپ-پىشىلگەن. فلەشموبتى 100-دەن اسا كولىكپەن جول بويىنداعى كەپتەلىستە ورىنداۋ – كەرەمەت كورىنىس. كيىم، ستيل، بي – ءبارى-ءبارى جاراسىمدى. كەمشىلىك تاپپايسىز. انايى كارتينالاردان ادا. كۇلكى دە بار".

وسكار سىيلىعىنا ۇسىنىلاتىن تاعى باسقا دا فيلمدەر بار. ولار: قارا ءناسىلدى ادامنىڭ ماياميدەگى قىزىقتى وقيعالارى تۋرالى تۇسىرىلگەن Moonlight ءفيلمى;  پسيحولوگيالىق Manchester By The Sea ءفيلمى جانە عىلىمي-فانتاستيكالىق  Arrival ءفيلمى.

ناتالي پورتمان. اقش پرەزيدەنتى د.كەننەديدىڭ جۇبايى رولىندە. فوتو: BBC.com

ەڭ ۇزدىك ايەل رولىنە بەرىلەتىن وسكارعا Manchester By The Sea ءفيلمىنىڭ باستى ءرولىن سومداعان ناتالي پورتمان مەن La La Land ءفيلمىنىڭ اكتريساسى ەمما ستوۋن  ۇسىنىلعان. ال اكتەر نوميناتسياسىنا ءدال وسى فيلمدەردەگى باستى ءرولدى سومداعان دەنزەل ۋاشينگتون مەن رايان گوسلينگتى ۇسىنعان.

سونىمەن قاتار، وسكارعا ۇسىنىلعان بىرنەشە ادامداردى وقىرمان نازارىنا ۇسىنامىز:

دەنزەل ۋاشينگتون. 2 جىل قاتارىنان "ەڭ ۇزدىك اكتەر" نوميناتسياسىن العان.وسكار سىيلىعىنا ءۇشىنشى رەت ۇسىنىلدى. فوتو: bbc.com

2017 جىلعى وسكار سىيلىعىنىڭ نومينانتتارىنىڭ  قاتارىندا: د.ۋاشينگتون (Fences), ۆيولا دەۆيس (Fences), ناومي حارريس (Moonlight), ماحەرشالالحاشباز الي  (Moonlight) جانە وكتاۆيا سپەنسەر (Hidden Figures) بار.

ناومي حارريس - بريتاندىق اكتريسا. فوتو: bbc.com

ناومي حارريس – وسكارعا قاتىساتىن بريتانياداعى ۇزدىك اكتريسالاردىڭ بىرەگەيى. بۇل ەلدەن  اتالمىش فيلم بايگەسىنە اندريۋ گارفيلد (Hacksaw Ridge/Silence), اارون تايلور-جونسون (Nocturnal Animals), دەۆ پاتەل  (Lion) جانە حۋگ گرانت (Florence Foster Jenkins) قاتىسادى.

Deadpool "ەڭ ۇزدىك كينوكارتينا" نوميناتسياسىنا ۇسىنىلدى. فوتو: bbc.com

كينوسىنشىلاردىڭ ايتۋىنشا، دەدپۋل ءفيلمى ەڭ ۇزدىك كينوكارتينا اتانۋعا لايىقتى. سەبەبى، بۇل كينو Golden Globes (التىن گلوبۋس) جانە  Producers Guild of America Awards ناميناتسياسىنا ۇسىنىلعان.

وسكار  - امەريكادا جىل سايىن ءداستۇرلى تۇردە وتەتىن، كينويندۋسترياعا قوسقان ۇلەسى ءۇشىن بەرىلەتىن  "پرەميا". وسى وسكاردىڭ توڭىرەگىندە داۋ-داماي دا، اڭگىمە دە كوپ. دەگەنمەن، شىن جۇيرىكتەر مەن مىقتى كينوكارتينالاردى انىقتايدى. قازىرگى تاڭدا  قازاق كينوسى جاڭا بەتبۇرىستار جاساپ، شەت ەلگە پروكاتقا بەرۋگە تۇرارلىق، كورەرمەننىڭ كوڭىلىنەن شىعىپ جۇرگەن كينولارمەن تولىقتى. بىزدەن لا-لا لەند سياقتى كينو شايقپايدى ەمەس، شىعادى. وتاندىق ونىمدەرىمىزدى وسكار سياقتى الەمدىك جوبالارعا ۇسىناتىن كۇن دە كەلەدى ءالى. تىلەكشى بولايىق. وتاندىق ءونىمدى قولدايىق.

“The Qazaq Times”