ۇلىبريتانيا مەن ەو «قول ءۇزۋ اقىسىن» تولەۋ تۋرالى كەلىسىمگە كەلدى

ۇلىبريتانيانىڭ پرەمەر-ءمينيسترى تەرەزا مەي، 24 قاراشا كۇنى بريۋسسەلدەگى ەو-نىڭ شتاب-پاتەرىندە ەۋروپا كەڭەسىنىڭ توراعاسىمەن كەزدەستى. كەزدەسۋدە ۇلىبريتانياعا ۇسىنىلعان «برەكسيت» (ۇلىبريتانيانىڭ ەو-دان ءبولىنۋى)  تۋرالى ماسەلەلەردى تالقىلاندى. ەو-نىڭ ديپلوماتيالىق دەرەك كوزدەرى بەرگەن مالىمەتكە قاراعاندا، ەكى تاراپ سويلەسۋ كەزىندە الداعى ۇلىبريتانيا مەن ەو اراسىنداعى ەڭ وزەكتى ماسەلە بولعان «قولۇزۋ اقىسىنا» (ەۋروپالىق وداقتان ءبولىنىپ شىققانى ءۇشىن ۇلىبريتانيانىڭ تولەيتىن تولەمى) قاتىستى ماسەلەدە تۇسىنىستىك تاپقان.  

بۇل وسىعان دەيىن ەكى تاراپقا بىردەي اسا سەزىمتال تاقىرىپ. ديالوگ بارىسىنان الىپ قاراعاندا كەلىسسوز جۇرگىزۋ مۇمكىندىگى جوعارى. ەو قازىر كەلىسسوزدىڭ دايىندىعى ۇستىندە.  بۇل تۋرالى «شينحۋانىڭ» رەسمي سايتى حابارلادى.

10 قاراشادا بريۋسسەلدە ەو-ۇلىبريتانيا كەلىسسوزىنىڭ 6-شى تۋرى اياقتالدى. ەكى تاراپ «قولۇزۋ اقىسى» عانا ەمەس، ازاماتتىق قۇقىقتار، ۇلىبريتانيا مەن يرلانديا شەكاراسى سياقتى نەگىزگى ماسەلەلەر دە تۇسىنىستىك تاپتى. سوڭعى ۇسىنىس رەتىندە بريتانيادان ەكى اپتا ىشىندە «قولۇزۋ اقىسى» تۋرالى ناقتى جاۋاپ سۇراعان بولاتىن. بۇل جاۋاپ بولمايىنشا كەلىسسوزدىڭ ساۋدا بايلانىستارى تۋرالى كەلەسى كەزەڭى اشىلمايتىنىن ايتقان.

بريتاندىق باق حابارلاۋىنشا، پرەمەر-مينيستر تەرەزا مەي «برەكسيت» كابينەتىنىڭ مىقتىلارىن قولداۋعا يە بولدى جانە ەۋرووداقتىڭ 60 ميلليارد ەۋروعا باعاسىن سۇراتىپ، الشاقتىقتى ازايتۋ ءۇشىن «بۇزۋ اقىسى» ستاۆكالارىن كوتەردى. بريتاندىق بۇقارالىق اقپارات قۇرالدارىنىڭ حابارلاۋىنشا، بريتاندىق ۇكىمەت 20 ميلليارد ەۋرودان 40 ميلليون ەۋروعا جۋىق سوماعا بولىنگەن تولەمدى ەكى ەسە ارتتىرۋعا دايىن.

بۇل شەشىمدى ۇلىبريتانيا اقپارات قۇرالدارى ارقىلى جاريا ەتىپ، ەۋروپالىق كەڭەستىڭ كەلىسسوز جۇرگىزۋشى گرۋپپاسىنىڭ سەنىمىن بەكەمدەگەن. بۇل ەكى جاقتى سەنىمدىلىك پەن تۇسىنىستىكتى ارتتىرعانىن ەو باسشىلارى دا مويىنداپ وتىر. ولار سوزىندە «ەگەر ۇلىبريتانيا جاق بۇل قادامدى جاساماعاندا، كەلىسسوزدىڭ كەلەسى كەزەڭىنە بىزدە كۇشتى دايىندىق جاساماعان بولار ەدىك»، – دەسكەن. بريتانيا ۇكىمەتىنىڭ 40 ميلليارد ەۋروعا شاقىرۋ باعاسى ەو ۇسىنعان 60 ميلليارد ەۆرودان الدەقايدا تومەن بولعانىمەن، 60 ملرد ەۆرو «قولۇزۋ اقىسىنا» قويعان ەو-نىڭ ەڭ جوعارى كورسەتكىشى.

ەگەر تاراپتار بۇل سوماعا كەلىسۋگە دايىن بولسا «برەكسيت» كەلىسسوزىنە جاۋاپتى ەو-وكىلى ميشەل بارناي كەلەسى كەزدەسۋدى باستاپ كەتۋگە دايىن ەكەنىن جەتكىزدى. ول جانە تەرەزا مەيگە كومەكتەسىپ، ۇلىبريتانيالىقتاردىڭ «قولۇزۋ اقىسىنا» بايلانىستى قوعامدىق پىكىرىنىڭ دۇرىستالۋعا تىرىسادى. وسىلايشا ۇلىبريتانيا مەن ەو اراسىنداعى ناۋرىز ايىنان باستالعان «قولۇزۋ اقىسىن» ماسەلەسى جانە «برەكسيت» قيىندىقتارى وڭىنا باستى.

“The Qazaq Times”