ۋاشينگتون، وتكەن جۇمادا. Damon Winter/ The New York Times

وتكەن جۇمادا ترامپ جانە ونىڭ اقۇيدەگى ءباسپاسوز حاتشىسى شون سپايسەر (Sean Spicer) باق-قا پرەزيدەنتتى ۇلىقتاۋ سالتاناتىنا قاتىسقان ادامدار سانىن ادەيى وتىرىك مالىمدەدى دەيدى «The New York Times» باسىلىمى.

ترامپتىڭ اقۇيدەگى ءباسپاسوز حاتشىسى شون سپايسەر «ترامپ تاريحتا حالىق الاڭىنا ەڭ كوپ ادام جيناعان پرەزيدەنت بولدى» دەگەن ەدى. الايدا، ۋاشينگتون ۇلتتىق پاركى اكىمشىلىك قىزمەتىنىڭ ايتۋىنا قاراعاندا، مۇنشا كوپ ادامنىڭ ۋاشينگتون حالىق الاڭىنا سيمايتىنى ءمالىم بولدى. 2009 جىلى پارك قىزمەتىنىڭ «باراك وباما تاريحتا ەڭ كوپ ادامدى حالىق الاڭىنا اكەلە الدى» دەگەنى بار. باراك وباما مەن دونالد ترامپتىڭ پرەزيدەنتتىگىن ۇلىقتاۋ راسىمىندەگى فوتوسۋرەتتەردى سالىستىرىپ قاراساڭىز، وتكەن جۇماداعى ادامداردىڭ ءبىرشاما از ەكەنىن انىق كورە الاسىز.

جۇما كۇنى ترامپ ورتالىق بارلاۋ اگەنتتىگىنىڭ شتاب-پاتەرىنەن كورىنگەن كەزدە، باق ونىڭ پرەزيدەنتتىگىن ۇلىقتاۋعا جينالعان ادامداردىڭ سانى تۋرالى جالعان مالىمەت بەردى: « حالىقتىڭ وتە قالىڭ توبى قازىر الاڭدا تۇر – سىزدەر مۇنى انىق كورىپ تۇرسىزدار. تاڭەرتەڭ ورنىمنان تۇرعاندا، ينتەرنەتتەن الاڭدا ەشقانداي ادامنىڭ جوقتىعىن كورىپ ماسقارا بولاتىن بولدى دەپ ويلاپ ەدىم. دونالد ترامپ حالىقتى الاڭعا تارتا الماعانى ما دەگەن وي دا بولدى. بىراق، حابار تاراتىلىپ جاتقاندا، الاڭدا شامامەن 1 ميلليون نە 1 ميلليون 500 مىڭداي حالىقتىڭ جينالعانىن كوردىم». بۇل باق-تىڭ الاڭداعى حالىق سانى تۋرالى بەرگەن مالىمەتتەرىنىڭ ءبىرى عانا.

شون سپايسەر اقۇيدەگى العاشقى مالىمدەمەسىندە، اقپارات قۇرالدارىنا پرەزيدەنت ترامپتى قولداۋعا نۇقسان كەلتىرەتىن سۋرەتتى تاراتپاۋدى تاپسىردى. وعان قوسا، الاڭعا جينالعان حالىقتىڭ سانى مەن ۋاشينگتون كوشەلەرىندەگى ترامپقا قارسى شەرۋلەردى سالىستىرا مالىمدەۋدى دە ەسكەرتتى. سوڭىنان ول الاڭعا جينالعان حالىقتىڭ سانى تۋرالى تەرەڭدەي تالقىلاۋ دا جاساعان. سپايسەر كەتەر الدىندا ءبىر ءجۋرناليستىڭ «ءبىز باق-تىڭ جاۋاپكەرشىلىگىن ساقتايمىز» دەپ ايعايلاعان سوزىنە جاۋاپ تا قاتپاعان.

كەزىندە جورج بۋشتىڭ (دجوردج بۋش) العاشقى ءباسپاسوز حاتشىسى اري فلايشەر (Ari Fleischer) سپايسەردىڭ ءباسپاسوز ءماسليحاتىن كورىپ بولعاننان كەيىن، Twitter پاراقشاسىنا: «بۇل دەگەنىمىز ءسىزدىڭ نە حابارلايتىنىڭىزدى پرەزيدەنت بەلگىلەيتىن بولعانى. ءسىز سونى پرەزيدەنتتىڭ كورەتىنىن بىلەسىز»، - دەپ جازدى.

برەند پەن يميدجگە قاتتى كوڭىل بولەتىن پرەزيدەنت جونىنەن، ءوزىن ۇلىقتاۋعا كەلگەن حالىق سانى وتە ماڭىزدى بولىپ سانالادى. امەريكا قالالارىنداعى ەرەۋىلدەر وعان باق-تىڭ ادەيى ۇلعايتىپ جەتكىزگەن اقپاراتى بوپ سەزىلەدى. ترامپ انت بەرۋدەن 45 مينۋت بۇرىن تۇسىرىلگەن ءبىر فوتوسۋرەت پەن 8 جىل بۇرىنعى وبامانىڭ پرەزيدەنتتىگىن ۇلىقتاۋ سالتاناتىنان 45 مينۋت بۇرىن تۇسىرىلگەن سۋرەتتى سالىسترساڭىز، ترامپتىڭ جاساعان «شوۋىندا» ادامنىڭ از بولعانىن كورۋ قيىن ەمەس. ۇلىبريتانيا مانچەستەر مەتروپوليتەن ۋنيۆەرسيتەتىنىڭ پروفەسسورى كيت ءستيلدىڭ (Still Keith)  ساراپتاۋى بويىنشا، ترامپتىڭ پرەزيدەنتتىگىن ۇلىقتاۋعا قاتىسقان ادامدار سانى وباما ءۇشىن الاڭعا كەلگەن ادامداردىڭ ۇشتەن بىرىندەي عانا بولعان ەكەن.

امەريكانىڭ وزىندە تاققا وتىرعان پرەزيدەنتتەرىنە دەگەن نارازىلىقتار ءالى دە تولاستاماي جاتقان كورىنەدى. حالىقتىڭ سەنىمىنەن شىعىپ، امەريكالىقتار ءۇشىن ىستەيتىنىن دالەلدەۋ ءۇشىن ترامپتىڭ قانداي باتىل قادامادارعا باراتىنىن الداعى ۋاقىت كورسەتەدى.

"The Qazaq Times"