گرۋزيا بيلىگى ميحايل سااكاشۆيليدى ەلگە ەكستراديتسيالاۋعا بايلانىستى ۋكراينا جاۋابىن كۇتىپ وتىر - دەپ مالىمدەدى گرۋزيا باس پروكۋرورىنىڭ ورىنباسارى گەورگي گوگادزە.
گوگادزەنىڭ سوزىنشە، گرۋزيا باس پروكۋراتۋراسى وسى ۋاقىتقا دەيىن ۋكراينانىڭ ءتيىستى ورگاندارىنا ميحايل سااكاشۆيليدى ەكستراديتسيالاۋعا بايلانىستى ءۇش رەت رەسمي حات جولداعان. بىراق ۋكراينا تاراپى ونىڭ ەشقايسىسىنا جاۋاپ بەرمەگەن.
بۇعان دەيىن ۋكراينا باس پروكۋرورى يۋري لۋتسەنكو ەل بيلىگى نە ءۇشىن ميحايل سااكاشۆيليدى گرۋزياعا ەكستراديتسيالاماي وتىرعاندىعىن تۇسىندىرگەن بولاتىن. ونىڭ سوزىنشە، سااكاشۆيلي ۋكراينا ادىلەت مينيسترلىگىنە ازاماتتىق الۋعا بايلانىستى قۇجاتتارىن تاپسىرىپ قويعان. ال حالىقارالىق زاڭ بويىنشا، ازاماتتىق الۋعا ءوتىنىش بىلدىرگەن ادامدى قانداي دا ءبىر ەلگە ەكستراديتسيالاۋعا بولمايدى. سول سەبەپتى ۋكراينا بيلىگى سااكاشۆيليدى گرۋزياعا ەكستراديتسيالاي الماي وتىر. بىراق گرۋزيا تاراپى ۋكراينادان ميحايل سااكاشۆيليدى ەلگە ەكستراديتسيالاۋدى بۇعان دەيىن دە سۇراعان. الايدا ول كەزدە سااكاشۆيلي ودەسسا وبلىسىنىڭ گۋبەرناتورى بولعاندىقتان ۋكارينا ونى گرۋزياعا ەكستراديتسيالاۋدان باس تارتقان بولاتىن.
كيبەرشابۋىلعا ۇشىراعان باق وكىلدەرى قۇقىق قورعاۋ ورگاندارىنا ارىز ءتۇسىردى
ورتالىق ازيا: تاريحي، ساياسي جانە ەكونوميكالىق مۇددەلەر اياسىندا
قىرعىزستاندا تاۋەلسىز Kloop باسىلىمىنىڭ قىرعىز تىلىندەگى سايتى بۇعاتتالدى
رەسەيدىڭ دونەتسك وبلىسى كونستانتينوۆكا قالاسىنداعى بازارعا شابۋىلىنان 16 ادام قازا تاپتى
سادىر جاپاروۆ ىستىقكولدەگى ءتورت پانسيوناتتى وزبەكستانعا بەرۋ سەبەبىن ءتۇسىندىردى
پيگوجيننىڭ «ۆاگنەر» توبى ماسكەۋ تۇبىنە كەلىپ شەگىنىپ كەتتى