Фото: YouTube

Грузия билігі Михаил Саакашвилиді елге экстрадициялауға байланысты Украина жауабын күтіп отыр - деп мәлімдеді Грузия Бас прокурорының орынбасары Георгий Гогадзе.

Гогадзенің сөзінше, Грузия Бас прокуратурасы осы уақытқа дейін Украинаның тиісті органдарына Михаил Саакашвилиді экстрадициялауға байланысты үш рет ресми хат жолдаған. Бірақ Украина тарапы оның ешқайсысына жауап бермеген.

Бұған дейін Украина бас прокуроры Юрий Луценко ел билігі не үшін Михаил Саакашвилиді Грузияға экстрадицияламай отырғандығын түсіндірген болатын. Оның сөзінше, Саакашвили Украина әділет министрлігіне азаматтық алуға байланысты құжаттарын тапсырып қойған. Ал халықаралық заң бойынша, азаматтық алуға өтініш білдірген адамды қандай да бір елге экстрадициялауға болмайды. Сол себепті Украина билігі Саакашвилиді Грузияға экстрадициялай алмай отыр. Бірақ Грузия тарапы Украинадан Михаил Саакашвилиді елге экстрадициялауды бұған дейін де сұраған.  Алайда ол кезде Саакашвили Одесса облысының губернаторы болғандықтан Укарина оны Грузияға экстрадициялаудан бас тартқан болатын.

“The Qazaq Times”