تاۋەلسىزدىك جونىندەگى رەفەرەندۋمعا قاتىسقان كاتالونيالىقتار. فوتو: BBC.com.

يسپانياداعى كاتالونيا اۆتونوميالى ايماعىنىڭ پارلامەنتى بىرجاقتى تاۋەلسىزدىك جاريالادى. دەگەنمەن، 1 قازان كۇنى كاتالونيادا وتكەن تاۋەلسىزدىك جونىندەگى رەفرەندۋمنان كەيىن يسپانيا بيلىگى مەن كاتالونيا اراسىنداعى داعدارىس ارتا ءتۇستى. بۇل تۋرالى «شينلاڭ» اقپاراتتىق سايتى حابارلادى.

كەشە يسپانيانىڭ سەناتى كاتالونيانىڭ اۆتونوميالىق ستاتۋسىن الىپ تاستاۋ ءىسىن داۋىسقا سالدى. يسپانيا كونستيتۋتسياسىنىڭ 155-ءشى بابىنا سايكەس داۋىسقا سالىنعاننان كەيىن، كورولدىك بيلىك جاعىنان بۇگىن، 28 قازان كۇنى كاتالونيانىڭ اۆتونوميالىق ستاتۋسى جويىلماق.

بۇل شەشىمگە قارسىلىق كورسەتۋ ءۇشىن كاتالونيا بيلىگى بارسەلونادا باس قوستى. كاتالونيا جەتەكشىلەرىنىڭ سەناتقا جازعان حاتىندا اۆتونوميا دارەجەسىنىڭ الىنىپ تاستالۋى ۇلكەن ساياسي داعدارىسقا الىپ كەلەتىنى ايتىلعان. يسپانيا مەن كاتالونيا بيلىگىنىڭ اراسىنداعى داعدارىستان كەيىن، كاتالونيا بىرجاقتى تاۋەلسىزدىگىن جاريالادى.

“The Qazaq Times”