اقش پەن وڭتۇستىك كورەيا بىرلەسكەن جاتتىعۋى تۇبەك جاعدايىن شيەلەنىستىردى

قۇراما شتاتتار مەن وڭتۇستىك كورەيا بىرلەسكەن اسكەري وقۋ-جاتتىعۋدىڭ جاڭا راۋندىنا دايىندالۋدا. بۇل قادام سولتۇستىك كورەياعا تاعى ءبىر رەت زىمىران سىناعىن جاساۋعا مۇمكىندىك بەرۋى مۇمكىن. ياعني، كحدر اقش پەن وڭتۇستىك كورەيانىڭ اسكەري ارەكەتتەرىنە جاۋاپ رەتىندە زىمىران سىناعىن قايتالاۋى عاجاپ ەمەس. بۇل تۋرالى “The Wall Street Journal” باسىلىمى حابارلاعان بولاتىن.

وڭتۇستىك كورەيانىڭ تەڭىز اسكەري كۇشتەرى بەرگەن مالىمەتكە قاراعاندا، وسى اپتا اقش پەن وڭتۇستىك كورەيا اراسىندا بىرلەسكەن جاتتىعۋ 5 كۇنگە جالعاسادى. ەكى ەلدەن 40-تان استام اسكەري كەمە جانە اۋە قوسىندارى جاتتىعۋعا قاتىسادى دەلىنگەن.

بۇل اسكەري وقۋ-جاتتىعۋ سولتۇستىك كورەيا جاعىنان قاتاڭ سىنعا تاپ بولدى. وتكەن سەنبى كۇنى سولتۇستىك كورەيا ۇكىمەتى رەسمي مالىمدەمە جاساپ:  «بۇل اقش پەن وڭتۇستىك كورەيانىڭ اشىق سوعىس دابىلىن قاعۋى، بۇل ارەكەت تۇبەك جاعدايىن ءتىپتى دە شيەلەنىستىرەدى» دەگەن بولاتىن.

“The Qazaq Times”