رەسمي داماسك تۇركيادان يدليب قالاسىنان اسكەرىن شىعارۋدى تالاپ ەتتى

رەسمي داماسك تۇركيا بيلىگىنەن يدليب قالاسىنان اسكەرىن شىعارۋدى تالاپ ەتتى – دەپ حابارلايدى سانا اقپارات اگەنتتىگى.

ءسۇريا سىرتقى ىستەر مينيسترلىگى تاراتقان رەسمي مالىمدەمەدە: «ءسۇريا اراب رەسپۋبليكاسى تۇركيا بيلىگىنىڭ يدليب پروۆينتسياسىنا اسكەر كىرگىزۋىن قاتاڭ سىنعا الادى. انكارانىڭ بۇل ءىسى ءسۇريانىڭ تاۋەلسىزدىگى مەن تۇتاستىعىنا نۇقسان كەلتىرۋ جانە بارلىق حالىقارالىق زاڭدارعا قارسى شىعۋ. ءسۇريا بيلىگى تۇركياعا تەز ارادا ەل اۋماعىنان اسكەرىن الىپ كەتۋدى تالاپ ەتەدى» - دەلىنگەن.

ەستەرىڭىزگە سالايىق، بۇعان دەيىن تۇكريا پرەزيدەنتى رەجەپ تايىپ ەردوعان يدليب پروۆينتسياسىندا ءسۇريا وپپوزيتسياسىمەن بىرككەن اسكەري وپپەراتسيا باستالعاندىعىن مالىمدەگەن بولاتىن. ال ەل پرەمەرى بينالي يىلدىرىم يدليب پروۆينتسياسىنداعى اسكەري ءىس-قيمىلدىڭ بارلىعى استانا كەلىسىمى اياسىندا جۇرگىزىلىپ جاتقاندىعىن ايتقان. ونىڭ سوزىنشە، استانا قالاسىندا رەسەي، تۇركيا، يران يدليب پروۆينتسياسىن ءسۇريا اۋماعىنداعى ءتورت دەەسكولاتسيالىق ايماقتىڭ ءبىرى بولادى دەپ كەلىسكەن.

“The Qazaq Times”