فوتو: Oux.az.

اقش سولتۇستىك كورەيا شەكاراسىنا ەكى بىردەي ستراتەگيالىق بومبىلاۋشى ۇشاعىن جىبەردى - دەپ حابارلايدى Reuters اقپارات اگەنتتىگى.

پەنتاگوننىڭ ۆ-1ۆ Lancer بومبىلاۋشى ۇشاقتارى سولتۇستىك كورەيا شەكاراسى ماڭىنا وڭتۇستىك كورەيا اسكەرىمەن بىرلەسىپ وتەتىن اسكەري وقۋ-جاتتىعۋ جۇمىستارىنا قاتىسۋ ءۇشىن جىبەرىلگەن. وقۋ-جاتتىعۋ اۋماعىنا  ۆ-1ۆ Lancer ۇشاقتارى اقش-تىڭ گۋام ارالىنداعى اسكەري بازاسىنان وڭتۇستىك كورەيالىق F-15K بومبىلاۋشى ۇشاقتارىمەن بىرگە بارعان.

Reuters اگەنتتىگىنىڭ مالىمەتىنشە، ۆ-1ۆ Lancer ۇشاعى وڭتۇستىك كورەيا اۋە كۇشتەرىمەن بىرلەسىپ كحدر شەكاراسى ماڭىندا جەردەگى نىسانداردىڭ كوزىن جويۋعا ارنالعان وقۋ-جاتتىعۋ جۇمىستارىنا قاتىسقان. وسىدان كەيىن اقش ۇشاقتارى وڭتۇستىك كورەيا ارقىلى سارى تەڭىز ايماعىنا ءوتىپ، جاپونيا اسكەرىمەن بىرلەسكەن وقۋ-جاتتىعۋ جۇمىستارىن وتكىزگەن.

بۇدان بولەك قازان ايىنىڭ باسىندا ۋاشينگتوننىڭ كورەي تۇبەگىنە كەزەكتى ۇشاق تاسمالداعىش كەمەسىن جىبەرگەندىگى بەلگىلى بولعان. اقش اسكەري تەڭىز كۇشتەرىنىڭ (USS) Ronald Reagan ۇشاق تاسمالداعىش كەمەسى كورەي تۇبەگىنە قازان ايىنىڭ 15-ءسى مەن 20-سى كۇندەرى ارالىعىندا بارادى دەپ كۇتىلۋدە.

“The Qazaq Times”