اۋستراليادا تەرروريزم مەن جەلىلىك شابۋىلدارعا قارسى جاڭا زاڭ قابىلدانباق. فوتو: abc.net.au.

اۋستراليا ماڭىزدى ينفراقۇرىلىمدى قورعاۋ ءۇشىن جاڭا قاتاڭ ەرەجە ورناتۋدى قاراستىرۋدا. ەل ۇكىمەتى شەتەلدەن كەلەتىن ينۆەستيتسيالار اۆستراليالىق كوممۋنيكاتسيالار مەن ەنەرگەتيكالىق اكتيۆتەردى تەرروريزم مەن حاكەرلىككە قارسى تۇرۋعا ەرىكسىز ءماجبۇر ەتۋى مۇمكىن دەپ الاڭداۋدا. بۇل تۋرالى «WSJ» باسىلىمى حابارلاعان ەدى.

سوڭعى جىلدارى اۋستراليا شەتەلدىك ينۆەستورلار ءۇشىن تارتىمدى ينۆەستيتسيالىق نىساناعا اينالدى. 100 ميلليارد اۋستراليا دوللارىنان اساتىن ( 78 ميلليارد اقش دوللارى) قۇندى ينۆەستيتسيالىق جوبالار جۇزەگە استى. سونىمەن بىرگە بىرقاتار ينفراقۇرىلىمدىق جوبالار (جول، ۇلتتىق تەمىرجول جوبالارىن ءوز ىشىنە قامتىعان) كانادانىڭ جانە تاياۋ شىعىستاعى زەينەتاقى قورلارىنىڭ ينۆەستيتسيالارىن وزىنە باۋرادى. دەگەنمەن وسى ينۆەستورلاردىڭ كولەڭكەسىندە اۋستراليانىڭ ۇلتتىق قورعانىس سالاسىنا دا ۇلكەن قاتەرلەر ەرە باردى. سونىڭ ءبىرى جوعارىدا ايتىلعان كيبەر شابۋىلدار. اتالعان جاڭا زاڭ وسىنىڭ الدىن الۋ ءۇشىن جاسالىپ وتىر.

جاڭا زاڭ ۇكىمەتكە ينفراقۇرىلىمدى ءجىتى باقىلاۋعا مۇمكىندىك بەرەدى. ۇلتتىق قاۋىپسىزدىككە قاتەر ءتونىپ جاتقان جاعدايدا ۇكىمەت جەكە سەكتورعا ارالاسۋ قۇقىعىنا يە ەتىلمەك. جاقىندا جاسالعان ۇكىمەتتىڭ بايانداماسىنا سەنسەك، اۆستراليادا بولعان كيبەرشابۋىلدار سانى وتكەن جىلداعىدان 15 پايىزعا ارتىپتى.

“The Qazaq Times”